Għall-ħabta tat-3 pm, żagħżugħa ta’ 22 sena sofriet minn ġrieħi gravi wara li sfat imtajra minn karozza ftit passi ‘l bogħod mill-Isptar San Luqa, il-Pietà.
Persuni li kienu fil-post qalulna li l-mara kienet qed taqsam minn fuq iz-zebra crossing meta ttajret mill-karozza tal-għamla Mercedes misjuqa minn mara ta’ 46 sena residenti s-Siġġiewi.
Fil-post issejjaħ tim mediku biex jassisti lill-vittma. Iktar tard hi ttieħdet l-Isptar Mater Dei għal iktar kura.
It-triq tal-inċident, Triq San Luqa ngħalqet għat-traffiku għal xi ħin.
