Partita faċli immens għal Franza kontra l-Ġibiltá bl-iskor finali jkun dak ta’ 14-0.
L-ewwel taqsima stupenda mill-Franċiżi, b’seba’ gowls skorjati minn seba’ plejers differenti. Fit-tieni taqsima, Franza komplew bl-attakki fejn saħansitra skorjaw seba’ gowls oħra
Franza fetħu l-iskor wara 3 minuti logħob minn auto-gowl ta’ Ethan Santos, minuta wara Marcus Thuram sab ix-xibka, biż-żagħżugħ Warren Zaire-Emery kompla jkabbar l-iskor wara kwarta logħob.
Il-Ġibiltá spiċċaw jilagħbu b’10 plejers meta tkeċċa Ethan Santos fit-18-il minuta.
Wara nofsija logħob Kylian Mbappe għamel l-iskor 4-0 minn penalty li wasal minn foul kommess fuq Coman minn Casciaro. Jonathan Clauss kien l-awtur tal-ħames gowl ta’ Franza fl-34 minuta.
Żewġ gowls f’temp ta’ minuta minn Kingsely Coman fis-36 minuta u Youssouf Fofana fis-37 minuta.
Franza ma waqfux jattakkaw fit-tieni taqsima, bit-tmien gowl jasal mill-midfielder ta’ Juventus Adrien Rabiot fit-63 minuta. Kingsley Coman skorja t-tieni gowl personali fil-65 minuta b’xutt ċentrali bix-xellug.
L-għaxar gowl ta’ Franza kien skorjat minn Ousmane Dembele, biex minuta wara Kylian Mbappe skorja t-tieni gowl tiegħu.
Il-Hattrick ta’ Kylian Mbappe wasal fit-82 minuta mill-assist ta’ Fofana.
Żewġ gowls fl-aħħar minuti ta’ Olivier Giroud għamel l-iskor finali 14-0, b’ Franza ma jsibu l-ebda tip ta’ diffikultà matul il-partita.
L-Olanda kkwalifikaw għall-EURO 2024 b’rebħa minima ta’ 1-0 fuq l-Irlanda.
Wout Weghorst kien il-protagonista fir-rebħa b’gowl fill-11-il minuta jasal minn suġġeriment tad-difensur ċentrali De Vrij.
Fi Grupp D, Il-Kroazja għelbu lil Latvja 2-0 fil-mixja lejn il-kwalifikazzjoni għall-EURO 2024. Il-Kroati issa jinsabu fit-tieni post b’total ta’ 13-il punt wara 7 partiti.
Żewġ gowls fl-ewwel għoxrin minuta, b’ Lovro Majer jiftaħ l-iskor wara 7 minuti logħob b’xutt bix-xellug mill-pass ta’ Ivanusec.
Fis-16-il minuta Andrej Kramaric irdoppja l-iskor din id-darba mis-suġġeriment ta’ Majer.
Illum:
Grupp B: Franza v Ġibiltá 14-0, Olanda v Irlanda 1-0
Grupp D: Armenja v Wales 1-1, Latvja v Kroazja 0-2
Grupp I: Belarus v Andorra 1-0, Iżrael v Rumanija 1-2, Żvizzera v Kosovo 1-1
Għada:
Skożja v Norveġja 8:45pm
Spanja v Ġeorgia 8:45pm
Grupp F: Belġju v Azerbaijan 6:00pm, Żvezja v Estonja 6:00pm
Grupp G: Ungerija v Montenegro 3:00pm, Serbja v Bulgarija 3:00pm
Grupp J: Bosnja/Herzegovina v Slovakja 8:45pm, Liechtenstein v Lussemburgu 8:45pm, Portugall v Iżlanda 8:45pm
