F’Leverkusen il-Ġermanja, l-Italja kisebt il-punt li kellha bżonn biex ikkwalifikat għall-fażi finali tal-Euro 2024 li se jsir f’Ġunju li ġej fil-Ġermanja.
L-Italja riedet draw mill-aħħar logħba kontra l-Ukrajna u dan irnexxielha tiksbu wara draw ta’ mingħajr goals f’logħba iżda li kienet mimlija azzjonijiet u emozzjonijiet.
Ir-riżultat jista’ jitqies bħala wieħed ġust anki jekk fl-aħħar sekondi tal-logħba kien hemm azzjoni ferm dubjuża fil-kaxxa Taljana fejn Cristante deher li seta’ għamel penalty, iżda r-referee Spanjol ħalla l-logħob għaddej u mill-VAR ma waslet l-ebda senjalazzjoni għal xi ħaġa irregolari.
B’hekk l-Italja, li huma l-holders ta’ din il-kompetizzjoni, kisbu l-kwalifikazzjoni wara li fallew żewġ kwalifikazzjonijiet għat-Tazza tad-Dinja.
F’logħba oħra mill-istess grupp, li fih lagħbet ukoll Malta, il-Maċedonja Ta’ Fuq kisbet draw ta’ 1-1 kontra l-Ingilterra, fejn kien Harry Kane li kiseb il-goal tad-draw fit-tieni taqsima wara li l-Maċedonja ta’ Fuq marru fil-vantaġġ fil-41 minuta permezz ta’ Enis Bardhi.
F’logħbiet oħra r-Repubblika Ċeka għelbu lil Moldova 3-0 u mill-istess grupp l-Albanija kienet miżmuma fi draw ta’ mingħajr goals mill-Gżejjer Faroe.
L-Iralanda Ta’ Fuq kisbu rebħa ta’ 2-0 kontra d-Danimarka.
Ilbieraħ:
Grupp C
Maċedonja v Ingilterra 1-1
Ukrajna v Italja 0-0
Grupp E
Albanija v Gżejjer Faroe 0-0
Rep.Ċeka v Moldova 3-0
Grupp H
Irl.Ta’ Fuq v Danimarka 2-0
San Marino v Finlandja 1-2
Slovenja v Kazakistan 2-1
Illum:
Grupp B
Ġibilta’ v Olanda
Greċja v Franza
Grupp D
Wales v Turkija
Kroazja v Armenja
Grupp I
Andorra v Iżrael
Kossovo v Belarus
Rumanija v Żvizzera
