Colin Schembri
Hibernians……..46
Starlites JSD……78
(11-15)(15-21)(16-16)(6-26)
Starlites JSD kisbu t-tieni rebħa fil-kampjonat kontra Hibernians li kienu fl-ewwel ħarġa tagħhom. Partita li ħadet svolta deċisiva fl-aħħar taqsima għalkemm Starlites kienu dejjem minn fuq. Hibs kellhom lura lil Jasmine Abela minn injury u ntroduċew lil Sharon Vella fil-waqt li Starlites irkupraw lil Steffi De Martino. Starlites fetħu l-partita b’run ta’ 11-2 bi trippli ta’ Paige Cannon u Mikela Riolo. Għal Hibs kien hemm il-punti minn Abela u Vella u wara li Starlites marru 10 punti minn fuq 15-5, Hibs għamlu l-aħħar sitt punti tas-sessjoni għal skor ta’ 15-11. Fit-tieni perjodu, Hibs naqqsu d-distakk għal basket wara trippla minn Kirsty Caruana. Starlites wieġbu permezz ta’ Andie Saliba u Maria Bonett biex reġgħu fetħu vantaġġ ta’ 10 punti 30-20 qabel ma Hibs kellhom trippla oħra minn Abela. Sa’ tmiem is-sessjoni ż-żewġ timijiet wieġbu lil xulxin għal skor ta’ 36-26.
Wara l-intervall, Starlites fetħu b’erba’ punti minn Bonnet u Cannon però hawn Hibs kellhom mument tajjeb meta għamlu run ta’ 12-0 bil-punti tal-Amerikana Lindsey Whilby flimkien ma’ Iona Agius biex waslu sa’ 4 punti ‘l bogħod mill-avversarji 38-42. Ir-risposta tac-champions kienet bi break ta’ 10-4 bi trippla ta’ Cannon flimkien ma’ De Martino u Bonett għal skor ta’ 52-42. L-aħħar taqsima rat lil Starlites jiddominaw speċjalment bil-punti kontinwi ta’ De Martino li kellha 9 baskets fosthom f’run ta’ 20-4 li rathom jerbħu l-partita 78-46.
Hibernians: M. Buhagiar 4, E. Farrugia, F.Fabok 4, I. Agius 7, L. Whilby 11, J. Abela 10, B. Agius, S. Vella 5, K. Calleja 2, K. Caruana 5, A. Mallia, J. Dabic.
Starlites JSD: M. Zammit Cordina 4, M. Riolo 3, A. Saliba 4, M. Sciberras, M. Bonett 14, S. De Martino 30, P. Cannon 17, P. Riolo, S. Davies 2, C. Curmi 4, Y. Ferrando..
Referees: Gordon Barbara, Nicky Azzopardi.
Fusion Quest……….41
Caffè Moak Luxol..79
(10-18)(11-18)(10-24)(10-19)
Caffè Moak Luxol ukoll kisbu t-tieni rebħa tagħhom fil-kampjonat meta għelbu lil Fusion Quest 79-41. Partita li fijha l-coach Santino Coppa ta ħafna ħin fuq il-court lil diversi players żgħażagħ għalkemm kienu nieqsa Lisa Fenech Pace u Sarah Sciberras. Kif mistenni, Luxol ħarġu tajjeb u għamlu l-ewwel 11 -il punt tal-partita b’baskets minn Josephine Diaby, Sarah Fenech Pace u Tayler Bennett. L-ewwel punti ta’ Fusion ġew minn Agustina Ledesma. Iż-żewġ timijiet wieġbu lil xulxin qabel ma Vanya Baldacchino kellha trippla għal Luxol li temmew l-ewwel sessjoni 18-10 minn fuq. Fusion fetħu t-tieni sessjoni bil-punti ta’ Ledesma però Luxol irrispondew permezz ta’ Fenech Pace u Ella Abela. Wara trippla minn Milica Stefanovic għal Fusion, Luxol komplew bi break ta’ 9-2 biex daħlu jistrieħu 36-21 minn fuq.
Il-bidu tat-tielet sessjoni kien totalment f’idejn il-players ta’ Coppa hekk kif għamlu run ta’ 16-0 bi trippla ta’ Diaby u punti minn Fenech Pace u Bennett fost l-oħrajn. Fusion finalment waqqfuhom b’erba’ punti minn Ledesma flimkien ma’ Nicole Vella però Luxol temmew il-perjodu 60-31 minn fuq. L-aħħar sessjoni kienet biss formalita u bdiet b’run oħra ta’ 15-2 minn Luxol bil-punti ta’ Baldacchino u Anna Fenech Pace. Fusion sabu ħin għal run ta’ 7-0 bi trippla ta’ Elena Pace biex Luxol ħarġu rebbieħa 79-41.
Fusion Quest: M. Stefanovic 11M. Momcilovic, S. Friend 4, E. Pace 3, A. Ledesma 18, M. Opauzki, N. Vella 5.
Caffè Moak Luxol: T. Bennett 13, H. Galea 2, N. Vella 3, E. Abela 8, M. Camilleri, S. Fenech Pace 18, J. Diaby 15, J. Said, V. Baldacchino 10, S. Farrugia 2, A. Fenech Pace 8.
Referees: Artun Bayraktar, Gianfranco Russo.
