L-Awstralja wettqet reazzjoni biex għelbet lir-Repubblika Ċeka 2-1 u għaddiet għas-semifinali tat-Tazza Davis f’Malaga.
In-numru 78 tad-dinja Machac ta bidu perfett liċ-Ċeki b’rebħa straight-set fuq Thompson, li jinsab 22 post fuqu fir-rankings.
Tomas Machac għeleb lil Jordan Thompson 6-4 7-5 biex iċ-Ċeki kisbu vantaġġ bikri fuq ir-runners-up tas-sena l-oħra. Madankollu, in-numru 12 tad-dinja Alex de Minaur wasal minn set u break down biex għeleb lil Jiri Lehecka 4-6 7-6 (7-2) 7-5 u bagħat il-konfront għad-doubles deċiżivi.
Lehecka beda tajjeb kontra De Minaur, fejn salva ħames break points f’logħba li kienet tinkludi tmien deuces.
Iċ-champions tad-doubles ta’ Wimbledon 2022 Matthew Ebden u Max Purcell għelbu lil Lehecka u Adam Pavlasek 6-4 7-5. L-Awstralja se tilgħab kontra l-Finlandja għal post fil-finali tal-Ħadd li ġej.
