Manchester City 1-1 Liverpool
F’waħda mill-iktar partiti mistennija din il-ġimgħa, Manchester City temmew f’parità ta’ 1-1 kontra Liverpool b’ Alexandor Arnold ikun l-eroj tar-reds b’gowl fl-aħħar għaxar minuti logħob.
Kienu is-Citizens li fetħu l-iskor l-ewwel b’aħbar xejn ġdid meta Erling Haaland skorja l-14-il gowl staġjonali tiegħu meta sab ix-xibka b’xutt baxx fir-rokna t’isfel tal-lemin mis-suġġeriment tad-dfiensur Nathan Ake.
Fit-80 minuta Liverpool urew id-determinazzjoni u r-reżiljenza tagħhom meta għamlu l-iskor indaqs permezz ta’ Trent Alexander Arnold li għeleb lil Ederson b’tentattiv b’saħħtu jispiċċa fir-rokna t’isfel tal-lemin.
Newcastle United 4-1 Chelsea
F’ St.James Park wirja dominanti għall-aħħar minn Newcastle United hekk kif għelbu lil Chelsea 4-1.
L-attakkant Żvediż Alexander Isak kien l-ewwel plejer li niżżel ismu mal-iskorers mill-assist ta’ Lewis Miley.
Chelsea ma damux biex irrispondew meta Raheem Sterling xeħet ġewwa fit-23 minuta minn freekick jispiċċa fir-rokna ta’ fuq tax-xellug.
Iż-żewġ timijiet daħlu għal ħin tal-mistrieħ bl-iskor ta’ 1-1, biex fis-60 minuta żewġ gowls f’temp ta’ żewġ minuti qelbu kompletament l-andament tal-partita, b’ Jamaal Lascelles jiskorja wara siegħa logħob b’daqqa ta’ ras indirizzata lejn ir-rokna t’isfel tax-xellug mill-kross ta’ Gordon. Minuta wara Joelinton għamel l-iskor 3-1.
L-isfortuna ta’ Chelsea kompliet tikber meta fit-73 minuta Reece James intwera l-karta ħamra fuq foul li kkometta fuq Gordon.
L-aħħar gowl wasal fit-83 minuta mill-istess Anthony Gordonn mill-pass preċiż ta’ Almiron.
Brentford 0-1 Arsenal
Gowl ta’ Kai Havertz fl-aħħar minuti tal-logħba tat ir-rebħa meritata lil Arsenal fuq Brentford fil-Gtech Community Stadium.
Il-midfielder Ġermaniż skorja l-gowl tar-rebħa fid-89 minuta b’daqqa ta’ ras mill-kross ta’ Bukayo Saka.
Burnley 1-2 West Ham United
Rimonta tajba minn prestazzjoni medjokri ta’ West Ham tat ir-rebħa lil-Hammers ta’ 2-1 fuq Burnley.
Jay Rodriguez skorja għal Burnley fid-49 minuta, bil-Hammers jistennew sal-86 minuta biex jagħmlu l-iskor indaqs meta Dara O’Shea xeħet fix-xibka tiegħu stess.
Tomas Soucek kien l-eroj ta’ West Ham meta xeħet fix-xibka fl-aħħar mumenti tal-partita b’xutt mill-viċin mill-korner tal-midfielder Kudus.
Luton Town 2-1 Crystal Palace
Luton Town rebħu t-tieni partita dan l-istaġun b’rebħa fuq Crystal Palace ta’ 2-1.
Luton stennew sat-72 minuta biex skojraw l-ewwel gowl, b’ Telon Mengi jitfa’ lill-partitarji f’delirji ta’ ferħ.
Crystal Palce rrispondew immedjatament hekk fl-74 minuta Michael Olise għamel l-iskor 1-1.
Jacob Brown kien l-eroj ta’ Luton Town meta tefa’ fix-xibka fit-83 minuta mis-suġġeriment ta’ Ogbene.
Nottingham Forest 2-3 Brighton
Brighton għelbu lil Nottingham Forest 3-2 fl-iktar partita kumbattuta tal-ġurnata.
Nottingham Forest ma damux ma fetħu l-iskor bl-eks Manchester United Anthony Elanga jsib ix-xibka b’daqqa ta’ ras mill-kross ta’ Morgan Gibbs-White.
Fis-26 minuta kien Evan Ferguson li b’xutt bil-lemin indirizzat lejn ir-rokna t’isfel tal-lemin għeleb lil Vlachodimos mill-assist ta’ Gross.
Qabel tmiem l-ewwel taqsima Joao Pedro ta l-vantaġġ lil Brighton b’daqqa ta’ ras mill-kross tal-istess Gross.
Joao Pedro bit-tieni gowl personali u bit-tielet gowl għat-tim fit-58 minuta din id-darba b’konklużjoni sempliċi fir-rokna t’isfel tax-xellug.
Brighton spiċċaw jilagħbu b’ plejer nieqes wara li tkeċċa Lewis Dunk fit-73 minuta wara li ta kummenti żejda fil-konfront tar-referree u ntwera żewġ karti sofor f’temp ta’ żewġ minuti.
It-Tricky Trees skorjaw penalty ftit minuti wara minn foul kommess minn Hinshelwood fil-kaxxa fuq Callum Hudson-Odoi, b’ Morgan Gibbs-White jikkonverti mill-11-il metru ‘l bogħod.
Nottingham ma rnexxielhom jikkapitilizzaw fuq ir-raġel żejjed li kellhom u l-partita ntemment 3-2 għas-Seagulls.
Sheffield United 1-3 Bournemouth
Sheffield United ġew megħluba minn Bournemouth 1-3 f’darhom.
Żewġ gowls fl-ewwel taqsima għaċ-Cherries, b’ Marcus Tavernier jkun l-ewwel li jsib ix-xibka wara 12-il minuta logħob, u Justin Kluivert jirdoppja ftit minuti qabel tmiem l-ewwel taqsima.
3-0 fil-51 minuta b’ Marcus Tavernier jikseb il-hattrick perssonali.
Gowl ta’ konsolazzjoni fis-97 minuta skorjat minn Oliver McBurnie għal Sheffield United.
Illum
Man City v Liverpool 1-1
Burnley v West Ham 1-2
Luton T v C.Palace 2-1
Newcastle U. v Chelsea 4-1
Nott. F v Brighton 2-3
Sheffield U. v Bournemouth 1-3
Brentford v Arsenal 0-1
Għada
Tottenham H. v A.Villa 3:00pm
Everton v Man.Utd 5:30pm
It-Tnejn
Fulham v Wolves 9:00pm
