Ilbieraħ filgħaxija saru magħrufa t-tnax-il finalista tal-Malta Eurovision Song Contest.
Il-finalisti tħabbru waqt programm li xxandar fuq l-istazzjon nazzjonali wara li fl-aħħar ġimgħat instemgħu l-kanzunetti kollha tas-36 semifinalist.
Fl-għażla tal-finalisti, il-voti tal-pubbliku żdiedu ma’ dawk tal-ġurija esperta.
Issa dawn it-tnax-il finalista se jkunu qed jingħataw €5,000 kull wieħed biex jipproduċu l-music video tagħhom. Fejn imbagħad, fil-ġimgħat li ġejjin jieħdu sehem fl-aħħar fażi ta’ dan il-konkors li jwassal biex tintgħażel il-kanzunetta li se tkun qed tirrappreżenta lil Malta fil-Eurovision Song Contest li se jsir f’Malmo, l-Iżvezja bejn is-7 u l-11 ta’ Mejju tas-sena d-dieħla.
Din hija l-lista tal-finalisti magħżula:
Miriana Conte – Venom
Sarah Bonnici – Loop
Greta Tude – Topic (Bla Bla)
Janvil – Man
Haley Azzopardi – Tell Me That It’s Over
Ryan Hili – Karma
Erba’ – Sirena
Nathan – Ghost
Denise – Mara
Matt Blxck – Banana
Gail Attard – Wild Card
Lisa Gauchi – Breathe
