Atalanta 1-2 Napoli
Fl-ewwel partita wara r-ritorn ta’ Walter Mazzari, Napoli ħadu t-tlett punti mill-konfront tal-ġurnata kontra Atalanta bl-iskor finali jkun 2-1.
Kien il-Georgian Khvicha Kvaratskheila li ta l-vantaġġ momentarju lil Napoli minuta qabek tmiem l-ewwel taqsima b’daqqa ta’ ras kalma u preċiża mill-kross tad-difensur laterali Di Lorenzo.
Atalanta għamlu l-iskor indaqs fit-53 minuta permezz ta’ Ademola Lookman mill-kross ta’ Hateboer, li ukoll bir-ras sab ix-xibka u għeleb lil Gollini.
Il-gowl tar-rebħa għall-Partenopei wasal fid-79 minuta mill-attakkant avvanzat Elif Elmas li għeleb lil Carnesecchi mis-suġġeriment ta’ Osimhen.
Milan 1-0 Fiorentina
F’San Siro, penalty ta’ Theo Hernandez fl-aħħar sekondi tal-ewwel taqsima kien biżżejed biex jagħti r-rebħa lil Milan fuq Fiorentina.
Il-gowl wasal fis-47 minuta meta d-difensur laterali Franċiż inkariga ruħu mill-penalty u għeleb lil Terraciano, bil-penalty jasal minn foul kommess minn Parisi fuq l-istess awtur tal-gowl.
Salernitana 2-1 Lazio
Tkompli l-forma diżappuntanti ta’ Lazio b’telfa ta’ 2-1 kontra Salernitana. B’dan ir-riżultat Salernitana kisbu l-ewwel rebħa tagħhom fil-kampjonat.
Kienu Lazio li skorjaw l-ewwel żewġ minuti qabel tmiem l-ewwel taqsima bit-talisman Ciro Immobile jikkonverti l-penalty tiegħu.
Salernitana rrispondew fil-55 minuta permezz ta’ Grigoris Kastanos li sab ix-xibka mill-kross mil-lemin ta’ Danilius li wasal għand Candreva li bir-ras sab lil Kastanos fit-tieni lasta biċ-Ċiprijott ma jfalliex u jixħet ġewwa.
Fis-66 minuta Salernitana marru fil-vantaġġ b’gowl mill-isbaħ tal-eks plejer ta’ Lazio Antonio Camdreva. Xutt b’saħħtu mill-bogħod mis-suġġeriment kalm minn freekick ta’ Kastanos jegħleb għal kollox lil Provedel u jagħti l-ewwel rebħa tal-istaġun għal Salernitana li jinsabu fil-qiegħ tal-klassifika.
Is-Sibt
Salernitana v Lazio 2-1
Atalanta v Napoli 1-2
Milan v Fiorentina 1-0
Il-Ħadd
Cagliari v Monza 12:30pm
Empoli v Sassuolo 3:00pm
Frosinone v Genoa 3:00pm
Roma v Udinese 6:00pm
Juventus v Inter 8:45pm
It-Tnejn
H. Verona v Lecce 6:00pm
Bologna v Torino 8:45pm
