Neil Camenzuli
MOSTA ……………………..0
GŻIRA U…………………….3
Mosta: D.Udoh, A.Chara (J.Farrugia 78’), S.Cachia, A.Damian (T.Thomas 61’), P.Agbado, G.Sciberras, W.Britto (O.Sammut 15’), N.Agius (A.Isah 61’), J.Vassallo, Z.Brincat, K.Tulimieri (E.Mensah 61’)
Gżira U: D.Cassar, G.Bohrer, T.Aldama (M.Alouzi 86′), Z. Scerri, M.Dias, L.Ribeiro, C.Riascos (A.Sane 76’), F.Romero, A.Essaka (J.Mendez 67’), C.Silva (A.Borg 76’), T.Espindola
Imwissija: K.Tulimieri 38’, T.Thomas 73’, , S.Cachia 75’ (M) G. Bohrer 40’ (G)
Skorjaw: T.Adama 45’ , G. Bohrer 47’, T.Adama 75’ (G)
Referee: Trustin Cann Farrugia
Assistenti Referees: Luke Portelli U Lee-Max Muscat
BOV Plejer tal-Logħba: Thaylor Aldama (G)
In-Nazzjon Plejer tal-logħba: Thaylor Aldama (G)
Gżira United irritornaw għar-rebħ meta għelbu lil Mosta 3-0 fis-Centenary Stadium b’wirja sodisfaċenti ħafna, b’ Thaylor Aldama jsib ix-xibka fuq żewġ okkażjonijiet kif ukoll Gabriel Bohrer iniżżel ismu mal-iskorers.
Mosta kienu l-ewwel li ħarġu fuq l-attakk hekk kif minn freekick mogħti mil-lemin ta’ Agius wara 5 minuti logħob sab lil Chara li ma rnexxielux jikkonkludi fix-xibka bir-ras u tefa’ barra.
Freekick angolat fir-rokna ta’ fuq tax-xellug minn pożizzjoni diffiċli mil-lemin ta’ Espindola mil-lemin jispiċċa f’idejn Akpan wara għaxar minuti logħob.
Fit-22 minuta daqqa ta’ ras b’saħħita ta’ Aldama kważi tagħti l-periklu lill-goalkeeper Akpan, madankollu l-konklużjoni tal-Brażiljan tkun għolja wisq.
Gżira rnexxielhom jiftħu l-iskor eżatt qabel tmiem l-ewwel taqsima meta l-plejer li bla dubju kien l-iktar ta’ periklu għal Maroons fl-ewwel tlett kwarti logħob, Thaylor Aldama għeleb lil Akpan b’konklużjoni b’saħħita mil-lemin.
Gżira United ħarġu ħafna aħjar fit-tieni taqsima tant kemm hu hekk li skorjaw it-tieni gowl wara biss żewġ minuti permezz tad-difensur ċentrali Gabriel Bohrer li xeħet ġewwa b’daqqa ta’ ras potenti fil-baxx.
Mosta kienu diżappuntanti mmens fit-tieni taqsima wara li rnexxielhom iżommu l-attakki ta’ Gżira għall-ewwel tlett kwarti logħob, bil-Mostin ma jagħtu l-ebda periklu fil-lasti ta’ Cassar sas-70 minuta.
Gżira komplew ikkabbru l-iskor fil-75 minuta b’gowl mill-isbaħ skorjat minn Thaylor Aldama li skorja t-tieni gowl tiegħu fil-partita b’xutt mit-tarf tal-kaxxa mil-lemin jispiċċa fir-rokna ta’ fuq tax-xellug u ma jagħti l-ebda ċans lil Akpan jinterveni.
L-ebda azzjoni denja ta’ nota fl-aħħar kwarta logħob biex b’hekk Gżira kkonkludew il-partita u l-prestazzjoni tajba tagħhom biex kisbu t-tielet rebħa staġjonali tagħhom wara tmien partiti.
(Ritratt: Catriel Farrugia)
