”Il-gowl li sofrejna qisu eliminana mill-ewwel mil-logħba” – Paul Zammit

‘Importanti li nżommu r-ritmu tal-wirjiet u r-riżultati’

• Mauro Camoranesi, kowċ Floriana FC

‘Fl-opinjoni tiegħi lagħbna kontra wieħed mill-aqwa timijiet tal-Kampjonat. Sliema huwa tim organizzat ħafna u għalina kienet logħba diffiċli anki minħabba l-kundizzjonijiet tat-temp.’ L-ewwel kummenti li għadda l-kowċ ta’ Floriana Mauro Camoranesi wara r-rebħa li t-tim tiegħu kiseb kontra Sliema Wanderers. Huwa kompla jżid. ‘Ninsabu kuntenti li ninsabu l-ewwel imma aktar minn hekk huwa li qed inżommu r-ritmu tal-wirjiet kif ukoll ir-riżultati li qed niksbu’

‘Mal-ewwel gowl it-tim ikkollassa psikoloġikament’

• Paul Zammit, kowċ Sliema Wanderers

‘Kienet partita fejn minkejja l-kundizzjonijiet kellna l-mumenti tagħna fejn stajna wkoll morna fil-vantaġġ. Fit-tieni taqsima bdejna ntuhom aktar spazju u ġejna kkastigati minn tim li kulħadd huwa konxju tal-potenzjal tiegħu’ Din kienet ir-reazzjoni ta’ Paul Zammit eżatt wara t-telfa ta’ Sliema Wanderers kontra Floriana. Huwa kompla, ‘Il-gowl li sofrejna qisu eliminana mill-ewwel mil-logħba. Kellna kollass psikoloġiku.  Batejna u ma’ bqajniex nemmnu u ftit wara saħansitra qlajna t-tieni gowl. Fil-fatt minkejja li kellna ħafna attakkanti fil-pitch ma’ stajna nagħmlu xejn.’

LOGĦOB LI JMISS

Is-Sibt 2 ta’ Diċembru, 2023

Stadium Nazzjonali

2.00pm B’Kara – Ħamrun S.

4.15pm Balzan – Sirens

Centenary Stadium

2.00pm Sta Lucia – Mosta

Il-Ħadd 3 ta’ Diċembru, 2023

Centenary Stadium

11.00am Naxxar L. – Gudja Utd

2.00pm Gżira Utd. – M’Xlokk

Stadium Nazzjonali

2.00pm Floriana – Valletta

4.30pm Hibernians – Sliema W