Colin Schembri
Caffè Moak Luxol……78
Hibernians………………47
(19-15)(17-13)(31-8)(11-11)
Caffè Moak Luxol telgħhu momentarjament fl-ewwel post tal-klassifika hekk kif huma għelbu lil Hibernians 78-47 u c-champions Starlites ma kienux impenjati fi tmiem din il-ġimgħa. Wirja oħra tajba għall-Amerikana ta’ Luxol li spiċċat il-partita b’36 punt u 20 rebound. Għal Hibs, l-Amerikana Lindsey Whilbey irkuprat mill-wirjiet negattivi tal-aħjar ħarġiet hekk kif tellgħat total ta’ 23 punt però ma kienux biżżejjed għat-team tagħha. Wara basket fuq kull naħa, kien hemm trippla minn Whilbey għal Hibs li poġġiethom punt minn fuq. Hawn Luxol kellhom break ta’ 7-0 ukoll bi trippla minn Bennett però Hibs reġgħu naqqsu d-distakk wara punti minn Iona Agius u Kirsty Caruana. Wara trippla oħra ta’ Whilby, Luxol għalqu t-taqsima b’basket ta’ Bennett għal skor ta’ 19-15. Fit-tieni perjodu kien hemm trippla ta’ Bennett għal Luxol li fetħu vantaġġ ta’ seba’ puntiu 26-19. Wara risposta ta’ Hibs minn Sharon Vella u Caruana, Luxol kellhom aktar punti minn Bennett u daħlu jistrieħu 36-28 minn fuq.
Wara l-intervall, Luxol fetħu b’ħames punti fosthom trippla ta’ Bennett però Hibs ukoll wieġbu b’ħames punti oħra. Hawn wasal mument mill-aqwa ta’ Luxol li għamlu 26 punt mingħajr risposta li tista’ tgħid iddeċiedew il-partita. Fost l-oħrajn kien hemm il-punti ta’ Lisa Fenech Pace, Nolene Vella flimkien ma’ Bennett u Anna Fenech Pace. Hibs finalment waqqfuhom bi trippla ta’ Marie Buhagiar fl-aħħar attakk tas-sessjoni li ntemmet 67-36 favur Luxol. Fl-aħħar sessoni l-punti naqsu fuq iż-żewġ naħat hekk kif iż-żewġ coaches għamlu diversi tibdiliet. Fost l-oħrajn kien hemm trippla oħra ta’ Whilbey għal Hibs fi break ta’ 9-0 però kienu Luxol li ħarġu rebbieħa 78-47.
Caffè Moak Luxol: T. Bennett 36, L. Fenech Pace 12, H. Galea, N. Vella 9, E. Abela, M. Camilleri, S. Fenech Pace 7, J. Diaby 11, J. Said, V. Baldacchino, S. Farrugia, A. Fenech Pace 3.
Hibernians: M. Buhagiar 7, E. Farrugia, F.Fabok 4, I. Agius 3, L. Whilby 23, J. Abela, B. Agius, S. Vella 2, K. Calleja, K. Caruana 4, A. Mallia, J. Dabic 4.
Referees: Artun Bayraktar, Nicky Azzopardi.
Depiro………………101
Fusion Quest…….35
(27-7)(25-7)(22-8)(27-13)
Depiro ħadu l-ewwel rebħa tagħhom fil-kampjonat hekk kif għelbu lil Fusion 101-35. Fusion għadhom ma jistgħux jistabilixxu formazzjoni stabbli hekk kif kull partita minbarra n-numru limitat ta’ players, ikollhom ukoll diversi players neqsin bħal fil-każ ta’ din il-partita fejn kienu mingħajr Milica Stefanovic u Agustina Ledesma fost l-oħrajn. Depiro bdew il-partita bi 15 -il punt mingħajr risposta fosthom minn Jose Ann Johnson, Sophie Abela u Julia Xerri. Wara l-ewwel punti ta’ Fusion minn Nicole Vella u trippla ta’ Julia Schembri, Depiro kellhom run oħra ta’ 10-2 biex temmew l-ewwel sessjoni 27-7 minn fuq. Fit-tieni perjodu, Depiro bdew bil-punti ta’ Nicole Agius u Claire Ciantar qabel ma Schembri kellha trippla oħra għal Fusion. Hawn però waslu 16 -il punt oħra minn Depiro fejn kien hemm it-trippli ta’ Noeleen Agius u Kirsty Galea biex daħlu jistrieħu 52-14 minn fuq.
Wara l-intervall l-andament tal-partita baqa’ l-istess fejn Depiro bdew bi break ieħor ta’ 10-0 bi trippla ta’ Xerri. Il-punti ta’ Fusion aktar ‘l quddiem fis-sessjoni hekk kif irnexxielhom jagħmlu seba’ punti, kollha minn players differenti però xorta kienu għadhom distakkati bi 52 punt mill-avversarji fi tmiem il-perjodu 74-22. L-aħħar sessjoni fetħet bi break ta’ 10-2 minn Depiro bil-punti ta’ Abela u Agius. Wara risposta ta’ Fusion minn Maria Rita Opouszki, Depiro kellhom akar punti minn Leanne Sciberras u trippla ta’ No. Agius biex għaqqdu l-mitt punt b’basket ta l-istess player. Il-players kollha ta’ Depiro niżżlu isimhom fost l-iskorers hekk kif huma ħarġu rebbieħa 101-35.
Depiro: S. Abela 15, Ni. Agius 11, J. Xerri 11, L. Sciberras 2, No. Agius 14, C. Ciantar 8, J. Borg 2, J. Johnson 15, M. Micallef 4, N. Borg 5, K. Galea 12, L. Camilleri 2.
Fusion Quest: H. Grixti 5. Momcilovic 2, S. Friend 4, J. Schembri 14, E. Pace, M. Opauzki 8, N. Vella 2.
Referees: Artun Bayraktar, Gianfranco Russo.
