Raġel ta’ 43 sena, sofra ġrieħi gravi wara li waqa’ madwar żewġ sulari minn fuq sellum waqt li kien qed jagħmel xi xogħol f’mużew li jinsab il-Belt Valletta.
Il-każ seħħ illum għall-ħabta tas-07:30 ta’ filgħodu fi Triq il-Merkanti, meta għal xi raġuni l-vittma residenti r-Rabat waqa’ madwar żewġ sulari minn fuq sellum waqt li kien qed jaħdem.
Fil-post ġie msejjaħ tim mediku tal-ambulanzi li ħadet lill-vittma l-Isptar Mater Dei, fejn ġie ċċertifikat li weġġa’ gravi.
L-investigazzjonijiet tal-Pulizija u tal-Awtorità għas-Saħħa u s-Sigurtà Fuq il-Post tax-Xogħol dwar dan l-inċident għadhom għaddejjin.
