Sewwieq ta’ mutur sofra feriti gravi wara li kien involut f’inċident illi seħħ ilbieraħ, għall-ħabta tat-3:15pm, fi Vjal il-Blue Grotto, iż-Żurrieq.
Il-Pulizija marret minnufih fil-post u minn stħarriġ preliminari rriżulta li kienet seħħet ħabta bejn mutur Voge 500DS misjuq minn raġel ta’ 47 sena residenti l-Gżira u Range Rover misjuq minn raġel ta’ 43 sena residenti Ħal Luqa.
Is-sewwieq tal-mutur ingħata l-għajnuna minn tim mediku u ttieħed l-Isptar Mater Dei b’ambulanza, fejn ġie ċċertifikat li sofra ġrieħi gravi.
Il-Pulizija għaddejja bl-investigazzjonijiet fuq il-każ.
