Il-ħatra tad-Deputat Laburista Omar Farrugia bħala Chairman tal-enità SportMalta ma hi xejn ħlief mossa oħra biex il-Gvern jibqa’ jgħin u jaġevola lil tal-qalba. B’din il-ħatra qed ikompli jżid il-lista ta’ Deputati Laburisti li issa għandhom paga oħra minn flus il-poplu minbarra r-renumerazzjoni ta’ Membru Parlamentrari.
Il-Partit Nazzjonalista jistaqsi kif hu possibbli li Robert Abela u l-Ministru Clifton Grima ma kienux kapaċi jsibu persuna aktar midħla fl-isport, teknika u politikamet indipedenti biex ikun Chairman ta’ entità daqstant importanti.
Finalment, il-Partit Nazzjonalista jirringrazzja liċ-Chairman uxxenti, il-Professur Andew Decelis, li f’dawn l-aħħar xhur kien qed jokkupa din il-kariga, filwaqt li jawguralu kull suċċess fl-oqsma l-oħrajn li jinsab involut fihom fis-settur tal-Isport.
Dan intqal fi stqarrija tad-Deputat tal-Partit Nazzjonalista Graham Bencini.
