Arsenal temporanjament fetħu vantaġġ ta’ erba’ punti f’ras il-klassifika meta għelbu lil Wolves 2-1. Kien Bukayo Saka li fetaħ l-iskor għal Arsenal kmieni fl-ewwel taqsima qabel ma il-captain Martin Odegaard għamilhom 2-0 b’konklużjoni fil-baxx. Wolves daħlu fil-partita għaxar minuti mit-tmiem b’konklużjoni ta’ Matheus Cunha.
F’St. James’s Park, Newcastle għelbu lil Manchester United bl-iskor ta’ 1-0. Il-gowl li ddeċieda din il-partita wasal tard fit-tieni taqsima permezz ta’ Anthony Gordon.
Brentford kisbu rebħa komda ta’ 3-1 fuq Luton Town. Neal Maupay poġġa lil Brentford fil-vantaġġ wara 49 minuta. Ben Mee rdoppja għall-Bees fis-56 minuta. Jacob Brown daħħal lil Luton fil-partita qabel ma’ Shandon Baptiste għamel l-iskor finali 3-1.
Burnley kisbu rebħa kbira ta’ 5-0 fuq Sheffield United. Jay Rodriguez skorja wara biss minuta qabel ma’ Bruun Larsen għamilhom 2-0. Sheffield United sfaw jilagħbu bi player anqas qabel il-mistrieħ meta tkeċċa Oliver McBurnie. Burnley skorjaw tlieta darbiet oħra fl-aħħar 17-il minuta tal-partita, b’gowls skorjat minn Zeki Amdouni, Luca Koleosho u Josh Brownhill.
Everton kisbu rebħa minima ta’ 1-0 barra minn darhom kontra Nottingham Forest. Il-gowl li ddeċieda dan il-konfront kien skorjat fis-67 minuta permezz ta’ Dwight McNeil.
