Neil Camenzuli
BALZAN……………………..3
SIRENS……………………….0
Balzan: R.Briffa, I.Bozovic (N.Zerjal 58’), A.Prates, S. Arab (U.Olawale 77’), M. Grima, P.Fenech (B.Hili 77’)A.Katanic (D.Awosanya 67’), N.Braunovic, L. Da Silva, A.Andrejic
Sirens: E.Akpan, T.Almeida (H.Gomda 64’), P.Boakye (G.Rocha 70’), N.Pulis, F.Boateng, C.Agyemang (D.Agius 45’), H.Akadom (A,Bismark 64’), A.Cini, S.Borg, K.Donsu, D.Jackson (J.Borg 64’)
Imwissija: B.Hili 83′ (B)
Skorjaw: L. Da Silva 15’, 50’ P.Fenech 44’ (B)
Referee: Ezekiel Barbara
Assistenti Referees: Luke Portelli u Mitchell Scerri
BOV Plejer tal-Logħba: Leonardo Da Silva (B)
Il-Mument Plejer tal-logħba: Leonardo Da Silva (B)
Balzan irritornaw għar-rebħ meta għelbu lil Sirens bl-iskor ta’ 3-0. Prestazzjoni tajba mit-tim immexxi mill-kowċ Oliver Spiteri, b’ Leonardo Da Silva protagonista b’żewġ gowls f’ismu, b’ Paul Fenech ikun il-plejer l-ieħor li jsib ix-xibka.
Sirens bdew fuq sieq tajba hekk kif wara 3 minuti logħob bdew l-attakki tagħhom permezz ta’ xutt minn barra ‘l kaxxa ta’ Boateng jirriżulta f’save tajjeb ta’ Briffa.
Balzan irrispondew żewġ minuti wara b’xutt baxx ta’ Katanic jispiċċa f’idejn ta’ Akpan.
Balzan fetħu l-iskor wara kwarta logħob permezz ta’ Leanardo Da Silva wara li rċieva l-ballun f’saqajh u qabeż il-goalkeeper biex ikkonkluda fix-xibka bil-kalma.
Sirens b’ċans li jiksbu d-draw fil-35 minuta b’daqqa ta’ ras Boateng tirriżulta f’save sempliċi għal Briffa.
Sirens għal darb’ oħra perikolużi minuta wara minn konklużjoni b’saħħita li waslet minn azzjoni personali mix-xellug ta’ Agyemang tgħaddi verament ftit barra.
Balzan irdoppjaw l-iskor ftit minuti qabel tmiem l-ewwel taqsima bil-konklużjoni baxxa ta’ Paul Fenech tegħleb għal kollox lil Akpan.
Il-gowl ta’ Fenech kien l-aħħar azzjoni tal-ewwel taqsima, biex b’hekk Balzan jitħlu għal-ħin tal-mistrieħ b’moħħhom mistrieħ bil-vantaġġ doppju.
Balzan komplew il-prestazzjoni tajba tagħhom fit-tieni taqsima hekk kif fil-50 minuta għamlu l-iskor 3-0. Leanardo Da Silva skorja t-tieni gowl tiegħu meta nkariga ruħu mill-penalty li wasal minn foul kommess minn Cini fuq Andrejic fil-kaxxa. L-attakkant Brażiljan ma żbaljax u xeħet ġewwa għat-tielet gowl tat-tim.
Balzan kważi skorjaw ir-raba’ gowl fis-57 minuta permezz tal-plejer Serb Katanic li minn ftit metri ‘l bogħod mill-lasta ma rnexxielux isib ix-xibka.
Sirens kellhom l-ewwel ċans ta’ gowl fit-tieni taqsima fit-88 minuta meta Daniel Agius ittanta xortih minn tarf il-kaxxa minn naħa tax-xellug, bil-konklużjoni tiegħu taħbat ma’ barra tax-xibka.
Balzan ikkonfermaw ir-raba’ rebħa tagħhom fil-kampjonat bi prestazzjoni mill-aqwa kontra Sirens li ma wrew l-ebda tip ta’ periklu matul il-partita, bit-tim minn San Pawl il-baħar jibqgħu f’ qiegħ il-klassifika bla rebħa.
(Ritratt: Joseph Galea)
