Neil Camenzuli
SANTA LUCIA ……………….1
MOSTA …………………………0
Santa Lucia : C.Da Paz, M.Ellul, A.Bradshaw, J.Pisani, J.Tanti (J.Carbone 74’), N.Virano (G.Moreira 62’), A.Piazza, P.De Oliveira, S.Xerri, E.Pinto
Mosta: D.Udoh Akpan, A.Chara, C.Sasha, A. Isah, D.Aneni (T.Shedrack 58’), A.Philip (P.Farrugia 76’), N.Nnaji, G.Sciberras (U.Eziukwu 58’), N.Agius (K.Tulimieri 46’), J.Vassallo, Z.Brincat
Imwissija: P.De Oliveira 38’ (S)
Skorjaw: A.Bradshaw 21’ (S)
Tkeċċa: Sasha Cachia 80′ (S)
Referee: Ishmael Barbara
Assistenti Referees: Duncan Spencer u Paul Apap
Il-Mument Plejer tal-logħba: Tatsuro Nagamatsu (S)
Santa Lucia kisbu l-ewwel rebħa fil-kampjonat meta għelbu lil Mosta 1-0. Il-gowl tar-rebħa wasal mill-plejer żagħżugħ Adam Bradshaw wara 21 minuta logħob.
L-ewwel azzjoni denja ta’ nota waslet wara 9 minuti logħob mill-attakkant Ġappuniż ta’ Santa Lucia, Nagamatsu, li qabeż lid-difensur mil lemin u ttanta xortih minn barra ‘l kaxxa, bix-xutt jaħbat max-xibka ta’ barra.
Wara 20 minuta ta’ pressjoni mill-attakkanti ta’ Santa Lucia, fil-21 minuta kien Adam Bradshaw jiftaħ l-iskor wara li rnexxielu jegħleb lil Akpan b’xutt b’saħħtu mill-viċin, li wasal mill-iżball ta’ Agius fil-kaxxa ta’ Mosta.
Mosta kellhom l-ewwel ċans li jiskorjaw wara kważi nofsiegħa logħob, meta minn pass qasir ta’ Nnaji, Sciberras ipprova jsib ix-xibka minn barra ‘l kaxxa, pero ra l-konklużjoni tiegħu tgħaddi għolja.
Santa Lucia għal darb’ oħra perikolużi fil-35 minuta din id-darba minn kontrattakk veloċi li beda mill-pass twil ta’ Tanti, li sab lil Piazza fuq ix-xellug, bl-attakkant Taljan jaqta l-ġewwa u jipprova jikkonkludi b’xutt angolat li jgħaddi verament ftit barra.
Nagamatsu jibqa jkun l-iktar plejer perikoluż ta’ Santa Lucia anka fl-aħħar mumenti tal-ewwel taqsima, meta minn azzjoni personali mix-xellug tefa’ fuq siequ l-leminija u pprova jsib ix-xibka, b’Akpan jintervjeni tajjeb.
L-ewwel taqsima tintemm 1-0 għal Santa Lucia, bil-gowl ta’ Bradhsaw jiddetermina l-iskor.
It-tieni taqsima iktar kwieta, b’ Santa Lucia jżommu l-pusses tal-ballun fil-midfield, u Mosta jipprovaw jikkrejaw l-azzjonijiet bil-kontrattakk.
Mosta bdew l-attakki tagħhom fit-72 minuta, meta l-attakkant laterali Isah ma ħasibhiex darbtejn biex ipprova jiskorja l-gowl tad-draw minn barra ‘l kaxxa b’xutt bix-xellug, madankollu l-konklużjoni tiegħu kienet għolja wisq.
L-isfortuna kompliet tikber għal Mosta hekk kif fit-80 minuta spiċċaw jilagħbu b’10 wara li d-difensur ċentrali Sasha Cachia ntwera żewġ karti sofor f’temp ta’ żewġ minuti wara li kompla jgħaddi kummenti fil-konfront tar-referee Ishmael Barbara.
Santa Lucia ġew viċin li jirdoppjaw l-iskor fl-aħħar azzjoni tal-partita meta minn kontrattakk ta’ Piazza, l-attakkant Taljan ma rnexxielux jikkonkludi fix-xibka.
