Tifel ta’ 13-il sena sofra ġrieħi gravi wara li għall-ħabta tal-11:30 ta’ dalgħodu ntlaqat minn karozza fi Triq Ta’ Torba, Ħ’Attard.
Il-karozza kienet qed tinstaq minn raġel ta’ 43 sena residenti Marsaskala.
It-tifel ingħata l-għajnuna minn tim mediku, ittieħed l-isptar b’ambulanza fejn ġie ċċertifikat li sofra ġrieħi gravi.
L-investigazzjonijiet mill-Pulizija għadhom għaddejjin.
