”Logħbiet ta’ din ix-xorta jintrebħu bid-dettal kif fil-fatt ġara” – Alexandros Kouros (Floriana)

‘Għamilna xi tibdil li rnexxa’

• George Vella, kowċ Naxxar Lions FC

 ‘Kienet logħba diffiċli kontra tim li għandu esperjenza ta’ Premier u f’logħbiet diretti bħal dawn din tiswa ħafna.’ Dan kien l-ewwel kliem li lissen il-kowċ ta’ Naxxar Lions George Vella wara li t-tim tiegħu għeleb lil Gudja United bl-iskor ta’ 2-1.  Vella kompla hekk. ‘ Fl-ewwel taqsima batejna xi ftit iżda fit-tieni 45 minuta konna aħjar fejn għamilna xi tibdil filwaqt li l-plejers segwew dak li għedt jien fil-half time. Konna aktar kalmi biex ksibna r-raba’ rebħa mill-aħħar sitt partiti. Nemmen ħafna f’kull plejer li għandi għax biex twassal sat-tmiem trid skwadra tajba u taħdem flimkien.’

‘Dettal li jrebbaħ logħba’

• Alexandros Kouros, Floriana FC

‘Konna nafu li ser tkun partita diffiċli fejn wara kollox dan huwa derby kontra tim ta’ storja bħalma huwa Valletta’. Kliem id-difensur ta’ Floriana Alexandros Korous wara r-rebħa li l-Greens kisbu kontra Valletta b’gowl uniku skurjat fil-ħin miżjud. Huwa kompla jitkellem dwar din il-partita importanti.  ‘Ħdimna ħafna matul il-ġimgħa għal din il-partita fejn logħbiet ta’ din ix-xorta jintrebħu bid-dettal kif fil-fatt ġara. Il-logħba kienet bilanċjata iżda aħna dejjem konna nemmnu li nistgħu nirbħu. Issa ninsabu waħidna fl-ewwel post u rridu nkomplu bil-ħidma tagħna u nħarsu lejn il-logħba li jmiss. ‘

LOGĦOB LI JMISS

Is-Sibt 9 ta’ Diċembru, 2023

Stadium Nazzjonali

2.00pm Valletta – Hibernians

4.15pm Mosta – Floriana

Centenary Stadium  

2.00pm Sliema W. – Balzan

Il-Ħadd 10 ta’ Diċembru, 2023

Centenary Stadium

11.00am M’Xlokk – Sta Lucia

Stadium Nazzjonali

2.00pm Sirens – Naxxar L.