Colin Schembri
Starlites JSD……………59
Caffè Moak Luxol……56
(22-11)(14-21)(14-16)(9-8)
Ic-champions Starlites JSD kisbu rebħa kontra Caffè Moak Luxol fl-ewwel konfrott dirett ta’ bejniethom fil-kampjonat wara żewġ finali li rawhom jerbħu tazza kull wieħed. Il-partita fetħet b’ħames punti fuq kull naħa bi trippla minn Andie Saliba għal Starlites u Shanice Farrugia għal Luxol. Hawn Starlites għamlu run ta’ 7-0 bill-punti ta’ Paige Cannon, Maria Bonett u Steffi De Martino li rebħet l-unuri tal-Player tas-Sena tal-istaġun li għadda u l-BOV Player tax-xahar ta’ Ottubru. Luxol wieġbu bill-punti tal-Amerikana Tayler Bennett biex waslu sa’ basket ‘l bogħod 10-12. Starlites reġgħu irrispondew b’run ta’ 10-1 li għalquha bi trippla ta’ Mikela Riolo biex temmew l-ewwel sessjoni 22-11 minn fuq. Fit-tieni perjodu, kienu Luxo li fetħu l-aħjar meta għamlu seba’ punti mingħajr risposta fosthom trippla ta’ Lisa Fenech Pace. Għal xi ħin it-teamijiet bdew iwieġbu lil xulxin biex Starlites baqgħu fuq quddiem iżda run ta’ 9-4 bi trippla oħra ta’ Farrugia poġġiet lil Luxol fil-vantaġġ. Kienet Riolo, ukoll rebbieħa tal-Player tas-Sena fil-kategorija ta’ taħt it-23 sena li poġġiet lil Starlites fuq quddiem, vantaġġ li żammew sal-mistrieħ 36-32.
Luxol, li f’din il-partita wkoll kellhom żewġ players tas-sena, Sarah Fenech Pace fil-kategorija ta’ taħt id-19 -il sena u Sarah Sciberras d’dik ta’ taħt is-sittax -il sena, fetħu tajjeb fit-tielet sessjoni u punti minn Anna Fenech Pace u Bennett rawhom imorru fuq quddiem 44-42. Starlites wieġbu permezz ta’ Cannon u bl-aħħar basket tas-sessjoni marru fuq quddiem 50-48. L-aħħar taqsima fetħet bir-raba’ trippla ta’ Riolo għal Starlites bill-vjola jwieġbu b’seba’ punti mingħajr risposta bi trippla ta’ A. Fenech Pace. Starlites irkupraw permezz ta’ Michela Zammit Cordina, De Martino u Paige biex marru fuq quddiem u żammew il-vantaġġ sat-tmiem u ħarġu rebbieħa 56-56.
Starlites JSD: M. Zammit Cordina 1, M. Riolo 15, A. Saliba 8, M. Fenech, M. Bonett 8, S. De Martino 11, P. Cannon 16, P. Riolo, C. Vella, C. Cilia, S. Davies, C. Curmi.
Caffè Moak Luxol: T. Bennett 21, L. Fenech Pace 3, H. Galea, N. Vella, E. Abela, M. Camilleri, S. Fenech Pace 7, J. Diaby 2, J. Said, V. Baldacchino, S. Farrugia 9, M. Marmara, A. Fenech Pace 14.
Referees: Bernard Vassallo, Julie Londono
Hibernians…..58
Depiro…………64
(27-7)(25-7)(22-8)(27-13)
Depiro ħadu t-tieni rebħa konsekuttiva meta għelbu lil Hibernians 64-58 biex żammew il-pass mat-timijiet ta’ fuq. Kif ġralhom f’partiti oħra, l-Pawlisti kellhom mument negattiv bejn tmiem it-tieni sessjoni u l-bidu tat-tielet u meta ppruvaw jirkupraw kien tard wisq. Depiro bdew il-partita b’ħames punti mingħajr risposta minn Sophie Abela u Julia Xerri. L-ewwel punti ta’ Hibs ġew bit-trippli ta’ Lindsey Whilby u Jasmine Abela u basket ta’ Fanni Fabok poġġijhom fuq quddiem. Depiro wieġbu bi trippla ta’ Julia Borg flimkien mal-punti minn Abela biex temmew l-ewwel sessjoni 18-15 minn fuq. Fit-tieni sessjoni ż-żewġ timijiet bdew jirrispondu lil xulxin fejn Whilby bdiet tikseb punti kontinwi għal Hibs b’Jose Ann Johnson twieġeb għal Depiro. Fl-aħħar żewġ minuti tat-taqsima kienu biss Depiro li għamlu l-punti b’baskets minn Johnson u Kirsty Galea flimkien ma’ trippla ta’ Noeleen Agius biex daħlu jistrieħu 33-26 minn fuq.
Fit-tielet sessjoni Depiro komplew fejn ħallew meta għamlu disa’ punti mingħajr risposta bi trippla ta’ Xerri biex fetħu vantaġġ ta’ 16 -il punt 42-26. Hibs ppruvaw jirkupraw meta għamlu żewġ trippli minn Abela però Johnson kompliet twieġeb għal Depiro li għalqu l-perjodu bi trippla oħra ta’ Borg għal skor ta’ 55-41.Fl-aħħar taqsima, Hibs tejjbu l-logħba tagħhom fejn kellhom fost l-oħrajn tlett three pointers minn Marie Buhagiar, Fabok u Kirsty Caruana biex naqqsu d-distakk għal sitt punti 56-62 però l-ħin kien kontra tagħhom u Depiro kkontrollaw l-aħħar minuti biex ħarġu rebbieħa 64-58.
Hibernians: M. Buhagiar 9, E. Farrugia, F.Fabok 5, I. Agius, L. Whilby 30, J. Abela 9, S. Vella, K. Calleja, K. Caruana 5, A. Mallia, J. Dabic.
Depiro: S. Abela 6, Ni. Agius, J. Xerri 10, J. Mallia, L. Sciberras, No. Agius 3, J. Borg 12, J. Johnson 23, M. Micallef, N. Borg, K. Galea 5, L. Camilleri.
Referees: Artun Bayraktar, Bernard Vassallo
