Mis-16 sad-19 ta’ Diċembru, Malta ser tilqa’ madwar 200 baħri minn 30 pajjiż, biex jikkompetu fil-Klassijiet Optimist u ILCA.
Il-parteċipanti tal-Klassi ILCA ser jkunu parti mill-Europa Cup, sensiela ta’ regatti li jsiru f’diversi pajjiżi madwar l-Ewropa u qofol tal-kalendarju ta’ din is-sena.
Il-Klassi Optimist hija d-dgħajsa rikonoxxuta fil-qasam internazzjonali, ddisinjata għal parteċipanti taħt is-16-il sena.
Matul is-snin, ir-Regatta kienet fażi għal bosta baħrin li għamlu isem fl-istorja tal-ibburdjar. Fl-2016, Marco Gradoni kien ir-rebbieħ tar-Regatta. Ta’ 19-il sena, Gradoni huwa l-ewwel baħri Optimist li kiseb tliet titli konsekuttivi f’Kampjonat tad-Dinja, u huwa l-iżgħar rebbieħ tal-Premju Rolex World Sailor of the Year u kien wieħed mit-tmuniera tat-tim Luna Rossa Prada Pirelli, li temmet fit-tieni post fit-tieni avveniment preliminari tas-37 America’s Cup.
Fl-edizzjoni ta’ din is-sena hemm Joan Domingo, li rebaħ l-edizzjoni 2022 u l-5 pożizzjoni fir-Regatta taċ-Champions 2023.
Fost it-talent lokali insibu lil Thomas Wilson, iċ-Champion Nazzjonali Malti renjanti.
L-EurILCA Europa Cup, bl-aħħar prova f’Malta fil-kategorija ILCA 4, hemm Semen Sokol tal-Ukrajna u Archie Munro-Price tar-Renju Unit li jinsabu fuq quddiem fil-klassifika ġenerali. Sfidanti lokali, huma Timmy Vassallo,Champion Nazzjonali flimkien ma’ Katrina Micallef u Max Busuttil.
L-ewwel edizzjoni tal-Euromed Regatta kienet għal baħrin Maltin tal-klassi Optimist. Minn dak iż-żmien żviluppat f’regatta internazzjonali annwali, fejn waslet sat-23 edizzjoni.
Il-Malta Young Sailors Club ftit basret li dak li beda bħala avveniment zgħir kien se jiżviluppa f’kompetizzjoni rikonoxxuta globalment, u tespandi biex tinkludi l-Klassi ILCA.
