Neil Camenzuli
GUDJA UNITED …………………..1
SIRENS………………………………….2
Gudja U: I.Sozer, B.Armando, S.Cipriott, E.Mendes (G.Zammit 85’), S.Attard (M.Conti 74’), J.Arthur, G.Mensah, K.Micallef, Z.Grech (N.Tabone 74’), A.Toure, M.Esposito (G. Lorenzoni 85’)
Sirens: A.Cassar, T.Almeida, P.Boakye, N.Pulis, J.Perea (D.Agius 46’), M.Akadom (J.Borg 89’) A.Cini,B.Asare, S.Borg, K.Donsu, D.Jackson
Imwissija: C.Andrea 18’, B.Sacha 26’, A.Bissmark 45’ (S), I.Sozer 68’, A.Toure 86’ (G)
Skorjaw: A.Toure 28’ (G)
Referee: Ezekiel Barbara
Assistenti Referees: Vasil Vasilev u Paul Apap
BOV Plejer tal-Logħba: Daniel Agius (S)
Il-Mument Plejer tal-logħba: Daniel Agius (S)
Sirens kisbu l-ewwel rebħa tagħhom wara li dawwru telfa f’rebħa kontra Gudja United, li baqgħu l-unika tim fil-kampjonat mingħajr rebħa.
Fis-17-il minuta Gudja United kellhom l-ewwel opportunità li jiskorjaw minn penalty li wasal minn kontrattakk veloċi ta’ Toure, bil-goalkeeper iwaqqa l-attakkant fil-kaxxa. Gabriel Mensah kien inkarigat mill-penalty, pero ma rnexxielux isib ix-xibka, bil-goalkeeper Cassar isalva t-tentattiv fil-baxx.
Għaxar minuti wara Gudja United skorjaw l-ewwel gowl tal-partita permezz ta’ daqqa ta’ ras ta’Abou Toure mill-viċin.
Gudja United komplew il-pressjoni tagħhom hekk kif bdew ifittxu t-tieni gowl tagħhom, meta wara nofsija logħob Shaisen Attard ittanta xortih mill-viċin, b’ Cassar isalva tajjeb.
Żewġ minuti wara Attard perikoluż għal darb’oħra, din id-darba minn naħa tax-xellug minn barra ‘l kaxxa u pprova jikkonkludi fix-xibka, bil-goalkeeper jevita l-periklu għal darb’ oħra.
Gudja komplew jattakkaw, din id-darba fis-36 minuta b’ Toure jolqot il-wieqfa b’xutt b’saħħtu, bid-difensuri jikklerjaw il-periklu.
Gudja ħarġu fuq l-offensiva anke fit-tieni taqsima, bl-ewwel azzjoni denja ta’ nota tasa’ fil-51 minuta b’xutt potenti minn barra l-kaxxa ta’ Brenner, b’ Cassar jevita l-periklu tajjeb.
Sirens kellhom l-ewwel xutt lejn il-lasti, li rriżulta fil-gowl tad-draw għat-tim minn San Pawl il-baħar. Is-sostitut Daniel Agius kien l-awtur tal-gowl b’xutt baxx bix-xellug jispiċċa fir-rokna t’isfel tal-lemin u jegħleb għal kollox lil Sozer.
Fis-66 minuta Sirens dawwru l-partita favurihom meta kisbu penalty minn foul kommess fuq Akadom fil-kaxxa. Minuta wara, Kwasi Donsu inkariga ruħu mill-penalty u għeleb lil Sozer b’konklużjoni baxxa fil-lemin.
Fit-80 minuta save mill-isbaħ ta’ Cassar mix-xutt mill-bogħod angolat fir-rokna ta’ fuq tal-lemin ta’ Mensah.
It-tim minn San Pawl il-Baħar ikkonferma l-ewwel rebħa tagħhom biex issa jinsabu b’ total ta’ sitt punti wara l-ewwel 11-il partita, bl-istess ammont ta’ punti bħal Santa Lucia u Gudja United fil-qiegħ tal-klassifika.
