Fadal biss ftit aktar minn ġimgħa biex niċċelebraw il-jum li ħafna jkunu qed jistennew..Jum il-Milied. Jum li jġib miegħu bosta preparamenti u xiri ta’ rigali għall-qraba u l-ħbieb.
Fil-Belt Valletta, b’mod partikolari, qed tiddomina atmosfera mill-isbaħ f’dawn il-ġranet – bit-tiżjin u l-mużika li iddaħħlek aktar fl-ispirtu ta’ dan iż-żmien tas-sena.
Meta żorna it-toroq tal-kapitali, stqasejna lin-nies jekk irnexxielhomx jagħmlu x-xiri kollu tal-Milied…hekk kif jidher li ħafna qed iħallu sal-aħħar
In-nies jidhru li qed igawdu t-temp sabiħ li kellna sa issa f’Diċembru u jieħdu l-opportunita biex joħorġu jagħmlu x-xiri tagħhom..dan hekk kif it-temperaturi huma relattivament għoljin għax-xahar tal-Milied.
U għalkemm jidher li l-ġimgħa d-dieħla se jkollna ġranet bix-xita, il-previżjonijiet juru li Lejlet il-Milied u fil-jum propju tal-25 ta’ Diċembru…it-temp se jkun wieħed favorevoli.
