Is-Sibt saret it-tnedija tal-14-il edizzjoni ta’ Betlehem f’Għajnsielem, il-presepju ħaj mifrux fuq medda ta’ 20,000 metru kwadru u b’aktar minn 100 attur li għal darb’oħra se joffri esperjenza unika tal-istorja tan-natività. Matul is-snin Għawdex sar sinonimu għal din l-attrazzjoni li llum il-ġurnata hija parti integrali mill-kalendarju kulturali Għawdxi tal-Milied.
Bħas-snin preċedenti Betlehem f’Għajnsielem se joffri taħlita ta’ tradizzjonijiet u snajja’ lokali flimkien ma’ dak kollu li ġeneralment nassoċjawh mal-presepju tradizzjonali Malti.
Betlehem f’Għajnsielem fetaħ is-Sibt 16 ta’ Diċembru. Għal aktar informazzjoni dwar il-ġranet u l-ħinijiet meta l-presepju se jkun animat wieħed jista’ jżur https://eventsingozo.com/event/bethlehem-fghajnsielem/2023-12-16/.
