Mara ta’ 43 sena residenti Tas-Sliema weġġgħet gravi wara li ntlaqtet minn karozza f’San Pawl il-Baħar.
L-inċident seħħ is-Sibt filgħaxija għall-ħabta tat-8:15 fi Triq Ġulju.
Il-Pulizija marret fil-post u minn investigazzjoni li saret irriżulta li l-mara ntlaqtet minn karozza misjuqa minn Libjan ta’ 55 sena residenti s-Swieqi.
Tim mediku mar fil-post sabiex jassisti filwaqt li ambulanza ħadet lill-mara l-isptar Mater Dei għall-kura meħtieġa fejn aktar tard ġiet iċċertifikata li qed issofri minn ġrieħi gravi.
L-investigazzjonijiet tal-Pulizija għadhom għaddejjin.
