Luke Montebello jagħlaq is-sena bħala l-aqwa skorer tal-kampjonat

‘Reazzjoni tajba wara li sofrejna l-gowl’

• Mauro Camoranesi, kowċ Floriana FC

‘Din hija l-ewwel logħba li konna fi żvantaġġ u hawn rajt ir-reazzjoni tal-plejers u ovvjament ninsab kuntent’ Kliem il-kowċ ta’ Floriana Mauro Camoranesi wara r-rebħa li t-tim tiegħu kiseb kontra Marsaxlokk biex b’hekk żamm il-kmand tal-klassifika. Huwa kompla jżid. ‘Fl-ewwel taqsima Marsaxlokk kienu aħjar fejn tant kienet viċin il-logħba li setgħet spiċċat fi draw jew saħansitra rebħu huma. Aktar mir-riżultat kuntent ukoll li l-iskwadra tagħna hija waħda ħajja, waħda li ilha taħdem mill-pre-season fuq ħafna affarijiet u wirjiet bħal dawn jawguraw tajjeb għall-futur’.

‘Minkejja r-riżultat kuntent bil-wirja tal-plejers’

• Winston Muscat, kowċ Marsaxlokk FC

‘Il-logħba tal-futbol ma’ tintlagħbx fuq 45 minuta biss iżda fuq 90 minuta.’ Dan kien l-ewwel kumment li lissen il-kowċ ta’ Marsaxlokk Winston Muscat wara t-telfa kontra Floriana. Muscat kompla hekk. ‘ Konna nafu li Floriana ser jippressawna fit-tieni taqsima fejn stajna morna żewġ gowls minn fuq. Imma mill-banda l-oħra kuntent bir-reazzjoni tal-plejers meta konna minn taħt. Nafu wkoll li Floriana għandhom skwadra twila ħafna u għandhom aktar soluzzjonijiet. It-tlett punti ma’ ġewx iżda minkejja li stajna konna aktar attenti, kuntent bil-wirja tal-plejers’

LOGĦOB LI JMISS

Is-Sibt 6 ta’ Jannar, 2024

Stadium Nazzjonali

2.00pm Ħamrun S. – Floriana

5.00pm Gżira Utd. – Sta Lucia

Il-Ħadd 7 ta’ Jannar, 2024

Centenary Stadium

11.00am Sliema W. – Gudja Utd.

Stadium Nazzjonali

2.00pm Sirens – B’Kara

4.15pm Valletta – Naxxar L.

Tony Bezzina Stadium

2.00pm M’Xlokk – Hibs

4.15pm Mosta – Balzan