Il-Gozo Channel se tkun qed tissospendi s-servizzi tagħha bejn nofsinhar u t-tlieta, fil-ġurnata tal-Milied u fl-Ewwel tas-Sena sabiex l-impjegati tal-kumpanija li se jkunu xogħol f’dawn il-ġranet ikunu jistgħu jieklu mal-familji tagħhom.
F’dawn il-jiem, il-vjaġġi ta’ 12:00, 12:30, 12:45, 13:00, 13:30, 14:00, 14:15 u 14:30 mill-Mġarr għaċ-Ċirkewwa u l-vjaġġi tal-12:15, 12:45, 13:15, 13:30, 13:45, 14:15, 14:45 u 15:00 miċ-Ċirkewwa mhux ser jkunu qed isiru. Dan ifisser illi l-aħħar vjaġġ mill-Imġarr ikun fil-11:30 filwaqt li l-aħħar vjaġġ miċ-Ċirkewwa huwa skedat għal-nofsinhar.
Is-servizz se jkun qed jerġa’ jibda fit-15:00 mill-Mġarr għaċ-Ċirkewwa filwaqt li l -ewwel vjaġġ miċ-Ċirkewwa għall-Mġarr ikun tal-15:15.
