Raġel ta’ 31 sena residenti l-Ħamrun sofra ġrieħi gravi wara li ttajjar minn karozza għall-ħabta tas-7 pm fi Triq Tas-Sliema, il-Gżira.
Mill-ewwel stħarriġ irriżulta li r-raġel intlaqat minn Nissan Juke, li kienet qed tinstaq minn raġel ta’ 48 sena residenti San Pawl il-Baħar.
Ir-raġel ingħata l-għajnuna minn tim mediku, ittieħed l-isptar b’ambulanza u ġie ċċertifikat li weġġa’ gravi.
L-investigazzjonijiet mill-Pulizija għadhom għaddejjin.
