Colin Schembri
Fusion Quest..0
Starlites JSD..20
Din il-partita ma saritx hekk kif Fusion ma niżlux għal-logħba minħabba nuqqas kbir ta’ players u b’hekk Starlites ħadu walk-over u l-coach Fatih Dedeliouglu uża l-ħin tal-partita biex jagħmel sessjoni ta’ taħriġ mal-players preżenti.
Depiro…………………..89
Caffè Moak Luxol….60
(29-15)(25-13)(15-18)(20-14)
Wara żewġ telfiet fis-shield u fl-ewwel round tal-kampjonat, Depiro ħadu l-ewwel rebħa tal-istaġun kontra Caffè Moak Luxol. Il-partita rat lill-aqwa Kristy Galea tal-istaġun fejn il-player li ġiet akkwistata minn Depiro dan is-sajf mexxiet lit-team tagħha għal din ir-rebħa mportanti fejn fost l-oħrajn kellha persentaġġ ta’ 72% mit-three point line bi tmien trippli minn 11 -il tenattiv. Ir-rebħa kienet meritata għal Depiro li għamlu aktar minn 38 minuta fil-vantaġġ għalkemm Luxol ipprotestaw fuq il-kontroll tal-uffiċjali. Wara li Sarah Fenech Pace għamlet l-ewwel basket tal-partita, Depiro wieġbu b’run ta’ 9-2 bl-ewwel żewġ trippli ta’Galea. Luxol wieġbu bil-punti ta’ Nolene Vella u Anna Fenech Pace iżda Galea għamlet seba’ punti oħra flimkien ma’ żewġ baskets konsekuttivi minn Sophie Abela. Josephine Diaby wieġbet għal Luxol però Depiro kellhom trippla oħra minn Nicole Agius għal skor ta’ 29-15.. Agius fetħet it-tieni taqsima bi trippl aoħra bil-Luxol jirrispondu wkoll bit-trippli minn Tayler Bennett u A. Fenech Pace. Hawn Depiro kellhom run ta’ 11-2 bil-punti ta’ Abela u Jose Ann Johnson Luxol setgħu jirrispondu biss bill-freethrows hekk kif Depiro għalqu s-sessjoni b’run oħra ta’ 11-2 u daħlu jistrieħu 54-28 minn fuq.
Wara l-interval, is-shooters ta’ Depiro komplew għaddejin b’żewġ trippli oħra minn Agius u Galea qabel ma Luxol irnexxielhom jagħmlu sitt punti mingħajr risposta biex naqqsu d-distakk. Huma rnexxielhom ukoll jagħmlu break qasir ta’ 9-3 però d-distakk fi tmiem it-tielet taqsima kien ta’ 23 punt bid-Depiro fuq quddiem 69-46. L-aħħar taqsima fetħet b’run oħra ta’ 9-0 minn Depiro bi trippli minn Galea u Julia Borg li temmet kull tama ta’ Luxol li jsalvaw il-partita. Huma kellhom il-punti ta’ S. Fenech Paceu Bennett flimkien ma’ trippla ta’ Vanya Baldacchino però kienu Depiro li ħarġu rebbieħa 89-60.
Depiro: S. Abela 11, Ni. Agius 11, J. Xerri 5, J. Mallia, L. Sciberras, No. Agius 2, C. Ciantar 2, J. Borg 5, J. Johnson 20, N. Borg 2, K. Galea 31, J. Magri.
Caffè Moak Luxol: T. Bennett 15, L. Fenech Pace 2, N. Vella 4, E. Abela, M. Camilleri, S. Fenech Pace 11, J. Diaby 12, V. Baldacchino 6, S. Sciberras, S. Farrugia, M. Marmara, A. Fenech Pace 10.
Referees: Zvezdan Dobrosaviljevic, Julie Londono
