Liverpool għaddew għas-semi finali tal-Carabao Cup b’rebħa kbira ta’ 5-1 fuq West Ham United f’Anfield.
Kien Dominik Szoboszlai li fetaħ l-iskor għar-Reds wara 28 minuta logħob b’xutt bil-lemin minn barrra l-kaxxa indirizzata lejn ir-rokna t’isfel tax-xellug, assist ta’ Quansah.
Liverpool kellhom jistennew sat-58 minuta biex irduppjaw l-iskor, b’ Curtis Jones iniżżel ismu mal-iskorers mis-suġġeriment ta’ Dawin Nunez.
It-tielet gowl ta’ Liverpool wasal fil-71 minuta permezz tal-attakkant laterali Cody Gakpo, li b’xutt potenti minn barra l-kaxxa għeleb għal kollox lil Areola.
West Ham skorjaw gowl ta’ konsolazzjoni fis-77 minuta, bl-iskorer Jarrod Bowen mill-pass tajjeb ta’ Ben Johnson.
Ir-raba’ gowl tar-Reds wasal fit-82 minuta mill-attakkant Mohammed Salah mill-kontrattakk veloċi mibdi mill-pass twil ta’ Alexander-Arnold.
L-aħħar gowl wasal żewġ minuti wara u kien it-tieni gowl personali għall-midfielder Curtis Jones, bil-gowl jasal minn suġġeriment ieħor ta’ Alexander-Arnold.
Kwarti Finali
It-Tlieta
Chelsea v Newcastle U. 1-1 (4-2 bil-penalties)
Everon v Fulham 1-1 (6-7 bil-penalties)
Port Vale v Middlesbrough 0-3
Ilbieraħ
Liverpool v West Ham 5-1
