Riżultat ta’ 1-1 li ma jibdel xejn bejn Liverpool u Arsenal f’dik li kienet l-iktar partita mistennija tal-ġimgħa, f’ logħba li setat tbiddel ħafna fit-tiġrija għall-kampjonat.
B’dan ir-riżultat, il-Gunners żammew l-ewwel post b’40 punt wara 18-il partita, segwiti minn Liverpool u Aston Villa b’39 punt kull wieħed.
Arsenal bdew il-logħba fuq sieq tajjeb hekk kif fetħu l-iskor wara biss 4 minuti logħob bid-daqqa ta’ ras tad-difensur Brażiljan Gabriel Magalhaes mill-kross tal-captain Odegaard. Il-gowl tad-draw għar-Reds wasal minuta qabel in-nofsija logħob, b’ Mohammed Salah ikun l-iskorer b’konklużjoni tajba mill-assist ta’ Alexander-Arnold
West Ham United kisbu rebħa importanti ta’ 2-0 fuq Manchester United, rebħa li titfa’ lill-Hammers fis-sitt post wara 18-il partita, b’punt iktar minn Newcastle United. Minn naħa l-oħra telfa oħra diżappuntanti għat-tim immexxi minn Ten Haag li tħalli lir-Red Devils fit-tmien post.
Il-Hammers fetħu l-iskorer fis-72 minuta permezz tal-istilla Jarrod Bowen b’xutt mill-kaxxa ż-żgħira indirizzata lejn ir-rokna t’isfel tal-lemin.
6 minuti wara, Mohammed Kudus irdoppja l-iskor għal West Ham mis-suġġeriment tal-Brażiljan Lucas Paqueta.
Tottenham Hotspur għelbu lil Everton f’konfront missielet, b’ Spurs jieħdu t-tlett punti f’rebħa ta’ 2-1.
Richarlison sab ix-xibka għall-ewwel gowl wara biss 9 minuti logħob, bl-attakkant Brażiljan jiskorja kontra l-eks tim tiegħu b’konklużjoni mill-viċin mis-suġġeriment ta’ Brennan Johnson.
Tottenham marru 2-0 fil-vantaġġ wara 18-il minuta, din id-darba Son Heung-Min isib ix-xibka b’konklużjoni baxxa.
Everton kważi wettqu rimonta meta Andre Gomes sab ix-xibka fit-82 minuta, madankollu l-gowl tal-Portugiż kien biss ta’ konsolazzjoni għat-Toffees.
Burnley irritornaw għar-rebħ b’rebħa fuq Fulham ta’ 2-0.
Wilson Odebert skorja l-ewwel gowl tal-partita wara 47 minuta logħob b’xutt minn barra l-kaxxa mis-suġġeriment ta’ Foster.
It-tieni gowl wasal fis-66 minuta, b’ Sander Berge jsib ix-xibka mill-pass tal-ewwel skorer Odobert.
Luton Town ħasdu lill-avversarji tagħhom meta għelbu lil Newcastle United 1-0 biex kisbu t-tielet rebħa f’dan l-istaġun.
Gowl mill-eks Andros Townsend ta r-rebħa lil Luton, bil-gowl jasal wara 25 minuta logħob b’daqqa ta’ ras tajba mill-korner ta’ Barkley.
Bournemouth għelbu lil Nottingham Forest barra minn darhom permezz ta’ hattrick minn Dominic Solanke, bl-iskor ikun 3-2.
Nottingham Forest immedjatament bdew il-partita fuq sieq ħażina hekk kif fit-23 minuta spiċċaw jilagħbu b’għaxra hekk kif tkeċċa Willy-Arnaud Boly wara li ntwera żewġ karti sofor f’temp ta’ ftit minuti.
Minkejja dan, it-Tricky Trees sabu x-xibka fl-ewwel minuti mill-bidu tat-tieni taqsima, permezz tal-eks Manchester United Anthony Elanga.
L-ewwel gowl ta’ Bournemouth u ta’ Dominic Solanke wasa fil-51 minuta b’daqqam ta’ ras mill-kross ta’ Senesi.
L-istess Dominic Solanke sab ix-xibka ftit minuti wara din id-darba b’xutt bil-lemin mill-kaxxa ż-żgħira.
Nottingham Forest għamlu l-iskor indaqs għal darb’ oħra, b’ Chris Wood jixħet ġewwa b’ daqqa ta’ ras mill-korner ta’ Morgan Gibbs- White.
Iċ-Cherries skorjaw il-gowl tar-rebħa fl-94 minuta meta Dominic Solanke kiseb il-hattrick personali b’daqqa ta’ ras oħra, din id-darba mill-kross ta’ Adam Smith.
LOGĦOB U RIŻULTATI:
Il-Ħamis
Crystal P. v Brighton 1-1
Il-Ġimgħa
Aston V. v Sheffield U. 1-1
Illum
West Ham U. v Man U. 2-0
Tottenham H. v Everton 2-1
Nottingham F. v Bournemouth 2-3
Man. City v Brentford posposta
Luton T. v Newcastle U. 1-0
Fulham v Burnley 0-2
Liverpool v Arsenal 1-1
Għada
Wolves v Chelsea 2:00pm
