Illum fil-5.15 pm fuq Net Television, lejliet il-Milied jixxandar l-għaxar programm SPORT EXTRA bi produzzjoni u preżentazzjoni ta’ Charles Camenzuli.
Fl-ewwel parti tal-programm it-tema ewlenija se tkun il-boxing. Ftit tal-ġranet ilu intervistata r-rebbieħa tal-midalja tal-fidda fil-Kampjonat tal-Ewropa tal-European Boxing Confederation Gail Diacono flimkien mal-kowc tagħha Roland Sammut.
Fit-tieni parti tal-programm intervista esklussiva mal-leġġenda tal-weightlifting internazzjonali Pyrios Dimas meqjus bħala l-aqwa weightlifter ta’ kull żmien .Dimas rebaħ il-midalja tad-deheb fi tlett Olimpijadi fl-1992 f’Barcelona, fl-1996 f’Atlanta u fl-2000 f’Sydney flimkien mal-midalja tal-bronż fl-2004 f’Ateni.
Sport Extra għandu preżentazzjoni ta’ Charles Camenzuli filwaqt li l-assistenta tal-produzzjoni hija għal darb’oħra Samira Cachia Spiteri u filmati minn Liam Briffa u Ramon Farrugia.
