Grupp ta’ persuni għażlu li jferħu lit-tfal f’Rainbow Ward, tal-Isptar Mater Dei f’dawn iż-żminijiet ta’ festi.
L-Għaqda Mużikali Immakulata Kunċizzjoni Ħamrun daru s-swali ta’ SAMOC, Fairyland, Disneyland u Wonderland fl-Isptar fejn b’mezzi differenti ferħu lit-tfal li kien hemm rikoverati.
Wara ġabra mill-isbah ta’ rigali li saret fuq appelli tal-Kappillan Fr Franco mill-Parroċċa tal-Ħamrun, numru ta’ bandisti marru jdoqqu f’dawn is-swali, b’membri mill-Grupp tal-Armar Festa Immakulata Kunċizzjoni libsu lbies sinonimu mal-Milied, bħal Father Christmas u ta’ elves.
Evidenti l-ferh u t-tbissim tat-tfal u l-ġenituri li kien hemm f’dawn is-swali, b’mod speċjali fil-mument li t-tfal ngħataw xi ġugarell bħala rigal.
