Il-qawwiet Iżraeljani li qed javvanzaw lejn iċ-ċentru ta’ Gaza wasslu biex madwar 150,000 Palestinjan jaħarbu mill-kampijiet tar-refuġjati, b’rapporti ta’ tankijiet armati illi issa jinsabu tefgħa ta’ ġebla biss bogħod mill-kamp ta’ Bureij.
L-offensiva militari, immirata lejn Bureij u l-kampijiet fil-viċin, irriżultat f’bosta vittmi. Dan wassal biex l-Eġittu jipproponi pjan fi tliet stadji għal waqfien mill-ġlied.
Sadanittant, in-Nazzjonijiet Uniti wissiet dwar il-kundizzjonijiet iffullati iżżejjed fiż-żoni li fihom qed jevakwaw iċ-ċivili – żoni li diġà kienu ffullati. F’dawn il-11-il ġimgħa, mis-7 t’Ottubru ‘l hawn, kien hemm moviment ta’ madwar 100,000 ruħ.
