LawConnect huwa s-supermaxi-yacht Awstraljan rebbieħ tal-edizzjoni ta’ din is-sena tal-klassika fil-kalendarju tal-ibbudjar bejn Sydney u Hobart.
LawConnect kiseb il-line-honours fuq ir-rivali Andoo Comanche f’wieħed mill-aktar dwelli interessanti fejn iż-żewġ supermaxis ta’ 100 pied żammew il-pożizzjoni fejn xulxin hekk kif fetħu mal-kosta tal-Lvant tal-Awstralja b’differenza minima bejniethom ta’ madwar żewġ mili nawtiċi meta daru fl-aħħar medda fix-Xmara Derwent tat-Tasmania.
LawConnect ta’ Christian Beck għeleb lil Andoo Comanche wara kważi jumejn ta’ tbaħħir b’51 sekonda differenza bejn iż-żewġ jottijiet. L-organizzaturi tat-tiġrija qalu li din kienet it-tieni l-eqreb tmiem fl-istorja ta’ 78 sena prestiġjuża tat-tiġrija megħluba biss mill-edizzjoni tal-1982 li ġiet deċiża b’seba’ sekondi.
Il-flotta ta’ 103 maxi yacht ħarġet minn maltempati bir-ragħad u riħ qawwi minn meta telqet mill-Port ta’ Sydney nhar it-Tlieta. Sal-Ħamis filgħodu l-flotta tnaqqset għal 92 parteċipant.
LawConnect kien ir-runner-up fit-tliet edizzjonijiet qabel din l-edizzjoni, filwaqt li l-favorit u runner-up ta’ dan is-sena Andoo Comanche kien ir-rebbieħ tal-edizzjoni 2022.
