Is-sena 2024 hi sena speċjali għall-Pawlin Rabtin hekk kif matulha se jkunu qed ifakkru l-250 sena mill-wasla tal-vara titulari ta’ San Pawl.
Din l-istatwa nħadmet fl-injam mill-iskultur Giovanni Caruana fl-1774.
Fl-aħħar xhur ġie mfassal programm t’attivitajiet li propju jibdew fl-20 ta’ Jannar bil-ħruġ tal-vara min-niċċa. Dan bi preparazzjoni għall-Pellegrinaġġ Pawlin li se jsir il-Ħadd ta’ wara, 28 ta’ Jannar fid-9 am u li se jsegwi rotta differenti minn dik tas-soltu li ssir fil-festa tas-sajf. L-ewwel sett ta’ ċelebrazzjonijiet jiġu fi tmiemhom fil-11 ta’ Frar.
Hawn taħt wieħed jista’ jsib il-programm sħiħ taċ-ċelebrazzjonijiet interni u esterni li se jsiru fir-Rabat.
