Inter għelbu lil Hellas Verona f’San Sio b’gowl ta’ Frattesi fl-aħħar minuti tal-partita, b’ Hellas Verona jfallu penalty fl-aħħar azzjoni tal-partita biex jiġu miċħuda mid-draw.
Kienu n-Nerazzuri li fetħu l-iskor l-ewwel permezz tat-talisman tagħhom Lautaro Martinez li għeleb lil Montipo mill-pass ta’ Mkhitaryan.
Hellas Verona stennew sal-74 minuta biex kisbu d-draw, b’ Thomas Henry ikun l-awtur tal-gowl.
Davide Frattesi kien l-eroj ta’ Inter meta skorja dak li kellu jkun il-gowl tar-rebħa fit-93 minuta li xeħet fix-xibka wara li l-ewwel konklużjoni kienet salvata minn Montipo.
Żewġ minuti wara kompliet tikber l-isfortuna għal Verona hekk kif temmew il-partita b’għaxar plejers wara li tkeċċa Darko Lazovic.
Fl-aħħar azzjoni tal-partita, Hellas Verona ġew miċħuda minn punt kruċjali wara li Henry ma rnexxielux jegħleb lil Sommer minn penalty.
Monza kisbu rebħa missielta ta’ 3-2 fuq Frosinone.
Kienu Monza li fetħu l-iskor l-ewwel wara 18-il minuta logħob minn Dany Mota, minn suġġeriment ta’ Carboni.
It-tieni gowl għal Monza wasal minn Valentin Carboni, li daħal fil-kaxxa b’ġirja u xeħet ġewwa minn kross ta’ Mota.
Żewġ gowls f’temp ta’ żewġ minuti, bl-ewwel gowl jasal għal Monza fil-55 minuta minn auto-gowl ta’ Soule, b’Frosinone jirrispondu minuta wara permezz ta’ Abdou Harroui.
Fis-75 minnuta Perluigi Frattali ntwera l-karta ħamra wara li pprotesta kontra deċiżjoni tar-referee minn fuq il-bank.
Minuta wara Matias Soule skorja gowl li kien biss ta’ konsolazzjoni għat-tim tiegħu.
Draw ta’ 1-1 bejn Lecce u Cagliari, b’gowls f’kull taqsima jiddeterminaw il-logħba.
Valentin Gendrey sab ix-xibka wara 31 minuta għal Lecce biex fetaħ l-iskor, b’ Cagliari jirrispondu fit-tieni taqsima permezz ta’ Gaetano Oristiano fit-68 minuta.
Rebħa minima imma kruċjali għal Sassuolo kontra avversarju diffiċli, bin-Neroverdi jegħlbu lil Fiorentina bl-iskor finali jkun 1-0.
Il-gowl tar-rebħa wasal wara biss 9 minuti logħob meta Andrea Pinamonti tefa’ wara Terracciano mis-suġġerimet ta’ Pedersen.
Sassuolo ħasbu li rduppjaw l-iskor 48 minuta, meta Thorstvedt xeħe fix-xibka, madankollu l-gowl tħassar wara konsultazzjoni tal-VAR.
Sfortuna kbira għal Fiorentina hekk kif kellhom żewġ gowls imħassrin ukoll bil-VAR, b’Bonaventura l-ewwel li jitfa’ ġewwa fis-67 minuta, segwit minn gowl ieħor ikkanċellat ta’ Lucas Martinez fid-69 minuta.
Ilbieraħ
Bologna v Genoa 1-1
Illum
Inter v Verona 2-1
Frosinone v Monza 2-3
Lecce v Cagliari 1-1
Sassuolo v Fiorentina 1-0
Għada
Empoli v Milan 12:30pm
Torino v Napoli 3:00pm
Udinese v Lazio 3:00pm
Salernitana v Juventus 6:00pm
Roma v Atalanta 8:45pm
