Neil Camenzuli
ĦAMRUN SPARTANS …………………….. 1
FLORIANA …………………………………….…0
Ħamrun S: H.Bonello, S.Borg, L.Montebello, J.Mbong, R.Prsa, E.Freitas, U.Duranovic (S.Paintstill 78′), O.Bjelicic (B.Ederson 77′), E.Marcelina, R.Camenzuli, R. Jonny
Floriana : G.Kitanov, O.El Hasni, U.Arias (M.Veselji 75′), K.Reid, M.Nogureira (W.Alves 87′), D.Vella (L.De Grazia 87′), O.Spiteri, N.Garcia, C.Zammit (A. Garzia 90′), M.Valadzko, A.Kouro
Imwissija: R.Camenzuli 21′, J.Zerafa 64′, J.Mbong 72′, L.Montebello 76′, R.Prsa 90′ (Ħ)
Referee: Ishmael Barbara
Assistenti Referees: Duncan Spencer u James Muscat
Skorjaw: R. Prsa 90′
BOV Plejer tal-Logħba: K.Reid (F)
Il-Mument Plejer tal-logħba: H. Bonello (Ħ)
F’ waħda mill-iktar partiti importanti tal-kampjonat, f’taqtigħa bejn iż-żewġ timijiet li jinsabu fl-ewwel żewġ postijiet fil-kampjonat, b’kundizzjonijiet xejn favoervoli, b’ xita u riħ qawwi, kienu Ħamrun Spartans li ħadu t-tlett punti meta Roko Prsa skorja l-gowl tar-rebħa fl-aħħar mumenti tal-partita. Ħamrun issa laħqu lil Floriana fl-ewwel post tal-klassifika, biż-żewġ timijiet jinsabu fuq 29 punt.
Floriana ħarġu perikolużi mill-ewwel, hekk kif wara 12-il minuta Kemar Reid twaqqa fil-kaxxa biex rebaħ penalty għall-Greens. Arias inkariga ruħu mill-penalty, bl-Arġentin jipprova jegħleb lil Bonello b’konklużjoni baxxa fuq il-lemin, bil-goalkeeper jintervjeni tajjeb u jżomm l-iskor indaqs.
Il-Greens b’ċans ieħor ta’ gowl din id-darba wara nofsija logħob, din id-darba mill-konklużjoni bir-ras ta’ Owen Spiteri minn korner, b’ Bonello għal darb’oħra jsalva tajjeb.
Fid-39 minuta Floriana jibqgħu jattakkaw il-lasti ta’ Ħamrun, bix-xutt ta’ Reid mill-bogħod mix-xellug jgħaddi ftit barra.
L-ewwel taqsima tintemm fi draw ta’ bla gowls, b’Ħamrun nieqsa mill-azzjonijiet, filwaqt li Floriana jkunu bla dubju l-aħjar tim fl-ewwel tlett kwarti logħob.
Ħamrun kważi sabu x-xibka wara 69 minuta wara li Joseph Mbong ipprova jitfa’ kross fil-kaxxa mill-bogħod, bil-goalkeeper Kitanov ma jaqbadx il-ballun sew u jiżloqlu minn idu, bid-difensuri ta’ Floriana jikklerjaw il-periklu minn fuq il-linja.
Floriana rrispondew 5 minuti wara, b’ Kemar Reid għal darb’oħra jkun perikoluż mid-distanza, bil-goalkeeper jitfa’ barra bid-diffikultà
Fil-81 minuta kien imiss lil Luke Montebello li jittanta xortih minn barra l-kaxxa, bl-attakkant jipprova jikkonkludi fir-rokna ta’ fuq tal-lemin, b’ Kitanov jitfa’ ftit barra.
Fl-aħħar azzjoni tal-partita, wara logħba sofferta għal Ħamrun, Roko Prsa kien l-eroj tal-Ħamrunużi meta xeħet fix-xibka minn ftit metri ‘l bogħod biex ta t-tlett punti kruċjali lit-tim tiegħu fit-tiġrija tal-kampjonat.
