Illum fil-5.15 pm fuq Net Television, jixxandar il-11 il- programm SPORT EXTRA bi produzzjoni u preżentazzjoni ta’ Charles Camenzuli.
Fl-ewwel programm għas-sena 2024, fl-ewwel parti il-mistieden huwa ċ-champion tad-dinja tal-pool u l-uniku atleta li din is-sena ngħata il-Gold Award tal-Kumitat Olimpiku Malti – Clayton Cistaldi.
Fit-tieni parti tal-programm it-tema principali se tkun l-atletika. Intervista ma’ Janet Richard li mhux biss kellha sena mill-aqwa iżda ngħazlet bħala l-Atleta Mara tas-Sena 2023 minn Athletics Malta. Il-koppja Antonella Chouhal u Rashid Chouhal rebbieħa tal-Kategorija Masters fi ħdan Atletics Malta huma wkoll mistiedna fit-tieni parti tal-programm b’enfażi dwar il-kompetizzjonijiet Masters fl-2024 u r-rwol tagħhom fit-taħriġ ta’ atleti żgħażagħ.
Sport Extra għandu preżentazzjoni ta’ Charles Camenzuli filwaqt li l-assistenta tal-produzzjoni hija għal darb’oħra Samira Cachia Spiteri u filmati minn Liam Briffa.
