Tħabbret il-mewt tal-attur Adan Canto, illi se jibqa’ imfakkar l-aktar għall-irwol li kellu fis-serje ‘Designated Survivor’. Canto kellu 42 sena, u miet tard it-Tnejn bil-lejl wara ġlieda kontra marda terminali.
Adan Canto kien attur li beda l-karriera tiegħu mix-xena mużikali fil-Messiku. Eventwalment, hu sar stilla ta’ Hollywood b’sehem f’diversi produzzjonijiet.
Canto kellu rwoli fost l-oħrajn fis-serje ‘The Cleaning Lady’ u ‘Narcos’.
