Il-Lasallian Nights – 3 serati għal qalb kull min kien jattendi is-6th Form f’De La Salle. U għal sena oħra l-istudenti tas-6th Form, fi tmiem din il-ġimgħa, se jkunu qed jorganizzaw dan l-avveniment – bit-titlu ‘Once Upon a Curse’ – 3 serati mimlija ilwien, spettaklu, divertiment, tbissim u talent żagħżugħ.
Net News żar l-aħħar preparamenti li qed isiru fl-iskola Lasaljana fil-Birgu, għax-show li se jkun kemmxejn differenti minn dak li mdorrija l-udjenza ta’ dawn is-serati.
Tkellimna ma’ Carla Abela u Maya Bezzina, iż-żewġ diretturi u kittieba tal-iscript li għad-differenza tas-soltu – fejn il-Lasallian Nights ikunu magħmula minn diversi biċċiet ta’ żfin, kant u reċtar…segwiti b’intervalli ta’ comperes…din id-darba l-pubbliku se jassisti għal storja aktar varjata.
Tkellimna ma’ Federica Spiteri waħda mill-atturi ewlenin ta’ din is-serata fejn sostniet li l-udjenzi għandhom ilestu ruħhom għal emozzjonijiet varji.
Tkellimna wkoll ma’ Aidna Caruana, membru tal-Kunsill Studentesk tas-6th form – fejn ħeġġeġ lill-istudenti futuri Lasaljani tal-post sekondarja.
Ma jonqosx ukoll l-appell tad-dama tas-serata – fejn saħqet li żgur kull min se jkun qiegħed jattendi mhux se jkun qiegħed jiddispjaċih.
