Tilef ħajtu s-surmast, Dan Marburger fi skola ta’ Iowa li kien salva numru ta’ studenti waqt sparaturi li seħħew minn żagħżugħ ta’ 17-il sena.
L-attakk kien seħħ fl-4 ta’ Jannar fil-kafetterija tal-iskola għall-ħabta tas-7:30 am fejn l-istudenti kienu qed jieħdu l-kolazzjon qabel jibdew fil-lezzjonijiet.
Waqt l-isparaturi kien tilef ħajtu tifel ta’ 11-il sena filwaqt li sitta oħra sofrew minn xi ġrieħi.
Jidher li Marburger, li kien ilu fit-tmexxija tal-iskola mill-1995, ipprova jaljena lill-aggressur sakemm l-istudenti ħarbu mill-kafetterija. Dan il-pass erojku wassal biex is-surmast jaqla’ tir ta’ arma tan-nar u kien ilu dawn l-aħħar għaxart ijiem jissielet għal ħajtu. Sfortunatament, l-isforzi mediċi kienu kollha għalxejn hekk kif miet il-Ħadd fit-8 am.
