Il-leġġenda tal-futbol Lionel Messi, minkejja l-eta ta’ 36 sena, għal darb’oħra fil-karriera tiegħu rebaħ l-unur tal-aqwa plejer tas-sena tal-FIFA għas-sena 2023.
Din hija t-tielet darba li Messi rebaħ dan l-unur, fejn temm fl-ewwel post segwit minn Kylian Mbappe u Erling Haaland fit-tieni u tielet post rispettivament.
Messi għamel sa Ġunju jilagħab ma’ PSG, biex imbagħad ingħaqad ma’ Inter Miami b’xejn f’ Lulju li għadda.
Huwa temm il-karriera tiegħu ma’ PSG bħala rebbieħ tal-kampjonat Franċiż Ligue 1, b’dan ikun it-tielet unur tiegħu ma’ Les Parisens.
Messi kien ukoll protagonist fir-rebħa tal-ewwel Tazza għal Inter Miami iktar kmieni din is-sena, fejn skorja fil-finali tal-2023 Leagues Cup Final kontra Nashville SC.
Barra minnhekk, fuq livell personali, Messi ukoll rebaħ it-tmien Ballon D’Or personali din is-sena.
Aitana Bonmati ta’ Spanja rebħet l-unur tal-aqwa plejer tas-sena tan-nisa.
