Colin Schembri
Fusion Quest….44
Depiro…………….122
(7-41)(9-24)(13-33)(15-24)
Depiro reġgħu għelbu lil Fusion Quest 122-44 wara r-rebħa tal-ewwel round biex ħadu r-raba’ rebħa tal-kampjonat. Fusion irkupraw lil player Julia Schembri għal din il-partita però wieħed irid jgħid li għadhom limitati fin-numru ta’ players għalkemm ta’ min wieħed jammira l-isforz ta’ dawk preżenti. Depiro għamlu l-ewwel sitt punti tal-partita minn Nicole Agius, Jose Ann Johnson u Sophie Abela. Wara basket minn Nicole Montalvo għal Fusion, kien hemm run ta’ 17-0 bi trippla ta’ Agius u aktar punti minn Abela u Johnson. Fusion ukoll kellhom trippla minn Schembri qabel ma Depiro reġgħu għamlu run ta’ 18-0 b’diversi players ta’ fuq il-bank iniżżlu isimhom fost l-iskorers għal skor ta’ 41-7. Fit-tieni perjodu,wara li Depiro għamlu break qasir ta’ 8-2, Fusion kellhom ħames punti mingħajr risposta. Depiro għalqu t-taqsima bi break ta’ 16-2 fejn Neve Borg għamlet trippla flimkien mal-punti ta’ Noelen Agius u Laura Camilleri biex daħlu jistrieħu 65-16 minn fuq.
Wara l-intervall l-andament tal-partita baqa’ l-istess b’runs minn Depiro ta’ 12-0 u 10-0. Għal Fusion kien hemm risposta minn Nicole Vella u Schembri qabel ma Kirsty Galea għamlet trippla għal Depiro. It-taqsima għalqet b’seba’ punti oħra minn Depiro għal skor ta’ 98-29. Depiro qabżu l-mitt punt fl-aħħar taqsima bi trippla oħra minn Galea hekk kif il-logħob kien aktar maqsum f-ewwel ħinijiet. Il-partita ntemmet b’run oħra ta’ 11-0 minn Depiro li ħarġu rebbieħa 122-44.
Fusion Quest: H. Grixti 11, J. Schembri 7, E. Pace 4, M. Opauzki 5, N. Vella 7, N. Montalvo 8.
Depiro: S. Abela 14, Ni. Agius 11, J. Xerri 5, J. Mallia 6, No. Agius 12, C. Ciantar 3, J. Borg 19, J. Johnson 18, M. Micallef 9, N. Borg 10, K. Galea 11, L. Camilleri 4.
Referees: Nicky Azzopardi, Louis Massouf
Hibernians………………..62
Caffè Moak Luxol……..76
(8-20)(21-15)(12-23)(21-18)
Caffè Moak Luxol ukoll għamlu d-double fuq it-team tal-Hibernians meta rebħulhom 76-62 biex reġgħu telgħu fit-tieni post tal-klassifika. Hibs kellhom bidu diffiċli għal partita u minkejja li ppurvaw jirkupraw partikolarment fit-tieni perjodu, reġgħu sofrew break kontrijhom fit-tielet sessjoni. Luxol fetħu l-partita bi break ta’ 9-0 bi trippli minn Nolene Vella u Tayler Bennett. L-ewwel basket ta’ Hibs wasal minn Julija Dabic u trippla ta’ Lyndsey Whilby. Luxol komplew bi break ta’ 9-3 b’aktar punti minn Vella flimkien ma’ Sarah Fenech Pace u Sarah Sciberras għal skor ta’ 20-8. Fit-tieni perjodu, wara basket minn Bennett, Hibs għamlu run ta’ 9-0 b’żewġ trippli minn Iona Agius u Jasmine Abela. Wara time-out, Luxol irkupraw u għamlu seba’ punti mingħajr risposta minn Anna u Sarah Fenech Pace flimkien ma’ Bennett. Hibs reġgħu irrispondew bi break ieħor ta’ 9-0 bil-punti ta’ Whilby u Abela u waslu sa’ tlett punti ‘l bogħod 26-29. Sa’ tmiem is-sessjoni Luxol għamlu sitt punti oħra però Whilby kellha trippla oħra biex fl-intervall kien hemm sitt punti bejn iż-żewġ timijiet 35-29.
It-tielet taqsima fetħet biż-żewġ timijiet jirrispondu lil xulxin u trippla oħra minn Whilby ħalliet lil Hibs 5 punti minn taħt 36-41. Wara żewġ baskets fuq kull naħa, Luxol iddominaw il-kumplament tat-taqsima bi break ta’ 13-2 fosthom bi trippla minn A. Fenech Pace flimkien ma’ oħtha Sarah biex temmew il-perjodu 58-41 minn fuq. Hibs reġgħu ppruvaw jirkupraw fl-aħħar taqsima speċjalment bil-punti ta’ Whilby u trippla ta’ Marie Buhagiar. Luxol però żammew vantaġġ komdu ankè peress li kellhom il-punti kontinwi ta’ Bennett biex finalment ħarġu rebbieħa 76-62.
Hibernians: M. Buhagiar 7, E. Farrugia, F.Fabok 2, I. Agius 7, L. Whilby 24, J. Abela 10, B. Agius, K. Calleja, M. Vella, K. Caruana, A. Mallia, J. Dabic 12.
Caffè Moak Luxol: T. Bennett 24, L. Fenech Pace, H. Galea, N. Vella 10, M. Camilleri, S. Fenech Pace 20, J. Diaby 6, V. Baldacchino, S. Sciberras 4, S. Farrugia, M. Marmara, A. Fenech Pace 12.
Referees: Julie Londono, Fiorentina Ciurariu.
