Turista abbord titjira tar-Ryanair li telqet minn Malta lejn Madrid ġiet arrestata wara li allegatament qabdet tinża’ l-ħwejjeġ fuq l-ajruplan.
Persuni li tkellmu ma’ Net News qalu li kollox beda ftit wara li tela’ fl-ajru hekk kif taħt l-influwenza tal-alkoħol, din qabdet tinża’ l-ħwejjeġ sakemm spiċċat bil-ħwejjeġ ta’ taħt u nxteħtet għal tul mal-art fil-passaġġ tal-ajruplan.
Dan apparti li f’mument minnhom ħarġet sigarett u bdiet tpejjep.
Mal-inżul tagħhom f’Madrid kien hemm qed jistennewhom membri tal-Pulizija fejn niżżlu lill-passiġġiera minn fuq l-ajruplan u ġiet arrestata.
