Żejtun Laċċi telgħu fit-tieni post tal-klassifika tal-kampjonat 8-a-side organizzat mill-Assoċjazzjoni Maltija tad-Darts meta rebħu lil Tim A Ħamrun Bayern 5-3 barra minn darhom.
Kienet logħba bbilancjata fejn Ħamrun fetħu vantaġġ ta’ 2-0 iżda Żejtun wara li għamlu l-iskor indaqs, rebħu l-aħħar tliet games sabiex għalqu l-partita 5-3.
Fl-istess waqt Floriana Ajax Premier Cars baqgħu jżommu l-ewwel post fil-klassifika wara li għelbu lil PO’s Bar 7-1 fejn kif jindika l-iskor iddominaw tul il-logħba kollha.
Birżebbuġa Lions komplew inaqqsu d-distakk minn mat-timijiet ta’ fuq wara rebħa ta’ 5-3 kontra Tim B Ħamrun Bayern filwaqt li Tim A Sliema Lounge kisbu t-tielet rebħa tal-istaġun wara li għelbu 6-2 lil Floriana Ajax MCP.
