”Fadal round sħiħ u rridu niksbu kemm jista’ jkun punti biex nissieltu tal-anqas għar-raba’ pożizzjoni” – Branko Nisevic (Hibernians)

‘Il-logħba baqgħet miftuħa sal-aħħar’

• Luciano Zauri, kowċ Ħamrun Spartans

‘Ninsabu kuntenti li ksibna rebħa fejn issa ninsabu weħidna fil-quċċata tal-klassifika. Il-problema kienet biss li ma’ ħadniex l-okkażjonijiet kollha li kellna.’ Kliem il-kowċ ta’ Ħamrun Spartans Luciano Zauri wara r-rebħa kontra Hibernians. Il-kowċ tal-Ispartans kompla jżid. ‘ Meta jiġri hekk tissogra xi ftit bħalma fil-fatt ġara fl-aħħar mumenti. Il-logħba baqgħet miftuħa sal-aħħar. Irridu nkunu aktar bravi. It-triq hija waħda twila fejn issa fadal round sħiħ. L-importanti huwa li ser immorru d-dar b’rebħa sabiħa’.

‘ Ħamrun kienu aħjar u ħaqqhom ir-rebħa’

• Branko Nisevic, kowċ Hibernian FC

‘Ma’ tantx nista nilmenta dwar ir-riżultat tal-logħba. Ħamrun kienu aħjar u kien ħaqqhom li jirbħu l-partita’ Dawn kienu l-kummenti sinċiera tal-kowċ ta’ Hibernians Branko Nisevic wara t-telfa li Hibernians sofrew kontra Ħamrun Spartans bl-iskor ta’ 2-1 fil-logħba prinċipali ta’ tmiem l-ewwel round. Huwa kompla hekk. ‘ Ippruvajna niddefendu u noperaw bil-kontrattakk iżda mbagħad wasal it-tieni gowl li ssiġilla l-partita. Irridu issa nħarsu lejn il-logħba li jmiss kontra Gżira United. Fadal round sħiħ u rridu niksbu kemm jista’ jkun punti biex nissieltu tal-anqas għar-raba pożizzjoni. L-objettiv tagħna huwa dak li nikkwalifikaw għall-Ewropa fejn hemm ukoll l-FA Trophy li ninsabu mal-aħħar sittax.’

LOGĦOB LI JMISS

Is-Sibt 27 ta’ Jannar, 2024

Stadium Nazzjonali

2.00pm Floriana vs Sta Lucia

4.15pm Balzan vs Ħamrun S.

Il-Ħadd 21 ta’ Jannar, 2024

Centenary Stadium

11.00am Sirens vs Valletta

Tony Bezzina Stadium

2.00pm Hibernians – Gżira Utd.

4.15pm Sliema W. – B’Kara

Stadium Nazzjonali

2.00pm Naxxar L. – M’Xlokk

4.15pm Gudja Utd. – Mosta