Illejla jibda t-3 staġun ta' PROFILI
Illejla se jirritorna l-programm PROFILI, bl-ewwel mistieden se jkun Mike Spiteri.
Il-ġrajjiet minn fomm il-kantant se jkunu qed iġibu tbissima fuq fomm bosta, b’rakkonti minn fuq il-palk waqt xi kunċert u xi jkun hemm minn wara l-kwinti u dwar anki s-suċċess fix-xena mużikali.
Jispikka r-rakkont dwar kunċert biswit il-knisja tal-Mosta, fejn l-awtoritajiet kienu ġew jaqtgħu d-dawl. Il-kunċert tkompla wara, bl-episodji ma’ dan il-kunċert idaħħlu wkoll fix-xena lill-Arċisqof ta’ dak iż-żmien, Ġużeppi Mercieca.
PROFILI għandu produzzjoni u preżentazzjoni ta’ James Aaron Ellul, b’muntaġġ ta’ Beverly Abela.
PROFILI llejla fit-8.30pm fuq Net Television.
