Bħal sajjetta fil-bnazzi, ftit tal-ħin ilu, il-manager ta’ Liverpool jurgen Klopp ħabbar hu stess li dan se jkun l-aħħar staġun tiegħu ma’ Liverpool wara disa’ snin.
Huwa kien maħtur manager tar-Reds f’Ottubru tal-2015 u l-kuntratt tiegħu kellu jisbadi fl-2026.
Madankollu Klopp qal li, filwaqt li jħobb dak kollu li għandu x’jaqsam mal-klabb, inkluż il-partitarji, l-istaff, il-belt u dak kollu li għandu x’jaqsam ma’ Liverpool, kienet qed tispiċċalu l-enerġija u għalhekk huwa ż-żmien opportun li jieħu din id-deċiżjoni.
Huwa qal ukoll li jifhem li din l-aħbar se taħsad lil bosta iżda, wara dak kollu li għadda mal-klabb u wara da ż-żmien kollu li qatta’ man-nies li ħadem magħhom kif ukoll mal-partitarji, huwa xieraq li kulħadd ikun jaf il-verita, dik li fl-aħħar tal-istaġun se jkun qed iħalli l-klabb.
Ma’ Liverpool Klopp, fost oħrajn rebaħ il-UEFA Champions League fl-istaġun 2018/19 u l-Premier League fl-istaġun 2019/20 wara nuqqas ta’ 30 sena.
