Il-ħolma li Manchester City li jerġgħu jagħmlu t-treble kif għamlu fl-istaġun li għadda għadha possibilità hekk kif huma avvanzaw fl-FA Cup meta rebħu l-konfront fit-Tottenham Hotspur Stadium.
Il-logħba kienet ferm bilanċjata u missielta u kienet deċiża b’goal tad-difensut Nathan Ake ftit minut mit-tmiem.
Il-goal wasal minn azzjoni ta’ korner bil-goalkeeper Taljan ta’ Tottenham Vicario jippanċja l-ballun qasir u Ake mattar siequ u minn żewġ passi poġġa l-ballun fix-xibka.
Fit-tliet logħbiet l-oħra li ntlagħbu lbieraħ ma kien hemm l-ebda verdett u għalhekk jeħtieġ li jintlagħbu replays.
Fi Stamford Bridge draw ta’ mingħajr goals bejn Chelsea u Aston Villa u issa kollox irid jiġi deċiż f’Villa Park.
Draw ta’ 0-0 kien hemm ukoll bejn Bristol City u Nottingham Forest, filwaqt li Sheffield Wednesday u Coventry temmew fi draw ta’ 1-1.
Fost il-logħbiet tal-lum jispikka l-konfront bejn Fulham u Newcastle.
Riżultati
Bristol C v Nottingham 0-0
Chelsea v A. Villa 0-0
Sheffield W v Coventry 1-1
Tottenham v Man City 0-1
Illum
13:30 Ipswich v Maidstone
16:00 Everton v Luton
16:00 Leeds v Plymouth
16:00 Leicester v Birmingham
16:00 Sheffield Utd v Brighton
20:00 Fulham v Newcastle
Għada
12:45 West Brom v Wolves
15:00 Watford v Southampton
15:30 Liverpool v Norwich
17:30 Newport v Man Utd
